ДОРНОГОВЬ АЙМГИЙН МЭРГЭЖЛИЙН ХЯНАЛТЫН ГАЗАРТ ПРОКУРОРЫН ШААРДЛАГА ХҮРГҮҮЛЖЭЭ

  1. 2017-04-06
  2. Архив,
  3. 413 уншсан
  4. 1 минут уншина
A- A A+
ДОРНОГОВЬ АЙМГИЙН МЭРГЭЖЛИЙН ХЯНАЛТЫН ГАЗАРТ ПРОКУРОРЫН ШААРДЛАГА ХҮРГҮҮЛЖЭЭ

 
Дорноговь аймгийн прокурорын газраас 1 дүгээр улирлын төлөвлөгөөнд тусгагдсаны дагуу тус аймгийн Мэргэжлийн хяналтын газрын улсын байцаагч нарын 2016 оны 4 дүгээр улирал, 2017 оны эхний 2 сарын байдлаар явуулсан захиргааны зөрчлийн хэрэг бүртгэлтийн ажиллагаа хууль, журамд хэрхэн  нийцэж байгаа байдлыг аймгийн прокурорын баталсан шалгалтын удирдамжаар  шалгажээ. Шалгалтаар Аймгийн Мэргэжлийн хяналты нулсын байцаагч нараас захиргааны зөрчлийн хэрэг бүртгэлтийн ажиллагаа явуулсан 18 хэрэг материалыг хянасан байна. Шалгалтын явцад захиргааны зөрчлийн хэрэг бүртгэхдээ зөрчил гаргагчид хуульд заасан эрхийг нь тайлбарлаж өгдөггүй, зөрчлийг нотлох баримтаар шалгаж тогтоогоогүй, зөрчлийн тэмдэглэлийг хуульд заасны дагуу үйлддэггүй, шийтгэврийн хуудсыг дутуу бичдэг, зөрчлийг шийдвэрлэхдээ хууль буруу хэрэглэж шийдвэрлэсэн зэрэг зөрчил дутагдлууд шалгалтаар тогтоогджээ. Шалгалтаар илэрсэн дээрх зөрчил дутагдал нь шинэ томилогдсон улсын байцаагч нарын хууль эрх зүйн мэдлэг дутмаг, Мэргэжлийн хяналтын газрын удирдлагаас эрх бүхий албан тушаалтны хууль тогтоомжийг хэрэгжүүлэх үйл ажиллагаанд тавих хяналт болон дотоодын хяналт, шалгалт сул байдаг зэрэгтэй холбоотой гэсэн дүгнэлт гарсан байна. Тиймээс цаашид улсын байцаагч нарын хууль эрх зүйн мэдлэг, ажлын сахилга хариуцлагыг дээшлүүлэх, удирдах албан тушаалтнуудаас дотооддоо тавих хяналт шалгалтыг сайжруулах, шалгалтаар илэрсэн зөрчлийг арилгуулах талаар удирдлага зохион байгуулалтын тодорхой арга хэмжээ авахуулах талаар аймгийн прокурорын газраас Аймгийн Мэргэжлийн хяналтын газарт прокурорын шаардлага хүргүүлжээ.