ГЭМТ ХЭРГЭЭС УРЬДЧИЛАН СЭРГИЙЛЭХ ЧИГЛЭЛЭЭР ТӨЛӨВЛӨГӨӨ ГАРГАВ

  1. 2017-04-08
  2. Архив,
  3. 1287 уншсан
  4. 1 минут уншина
A- A A+
ГЭМТ ХЭРГЭЭС УРЬДЧИЛАН СЭРГИЙЛЭХ ЧИГЛЭЛЭЭР ТӨЛӨВЛӨГӨӨ ГАРГАВ

 
Улсын Ерөнхий прокурорын газрын 2017 оны үйл ажиллагааны төлөвлөгөөнд "Аймаг, нийслэл, сум дүүрэг дэх гэмт хэргээс урдьдчилан сэргийлэх ажлыг зохицуулах зөвлөлд гэмт хэргээс урдчилан сэргийлэх чиглэлээр хийх ажлын санал зөвлөмжийг хүргүүлж хамтран ажиллахаар тусгагдсаны дагуу Улсын Ерөнхий прокурорын 2015 оны 12 дугаар сарын 23-ны өдрийн А/121 дугаартай тушаалын хавсралтаар баталсан "Прокурор гэмт хэргээс урьдчилан сэргийлэх ажилд оролцох аргачилсан заавар”-т заасны дагуу гэмт хэргээс урьдчилан сэргийлэх ажлыг биечлэн хариуцаж ажиллажээ. Тус прокурорын газраас харъяалах 9 сумдын Гэмт хэргээс урьдчилан сэргийлэх салбар зөвлөлийн дарга нарт Эрүүгийн нөхцөл байдлын судалгаанд дурьдагдсан хэргийн гаралтыг бууруулах талаар удирдлага зохион байгуулалтын ажлыг авч ажиллах талаар албан тоот хүргүүлсэн байна. Гэмт хэргээс урдчилан сэргийлэх чиглэлээр Завхан аймгийн Тосонцэнгэл сумын  гэмт хэргээс урьдчилан сэргийлэх салбар зөвлөлөөс Прокурорын байгууллагатай дараах ажлуудаа хамтран хийхээр төлөвлөжээ. Үүнд:

Харъяалах сумдын захиргааны зөрчлийн хэрэг бүртгэлт явуулах эрх бүхий албан тушаалтнуудтай хамтарсан зөвлөгөөн зохион байгуулж, сургалт хийх, Завхан аймгийн Тосонцэнгэл сумын гэмт хэргээс урьдчилан сэргийлэх салбар зөвлөл шинэчлэн байгуулагдаж байгаатай холбогдуулан гэмт хэргээс урдчилан сэргийлэх чиглэлээр хийх ажлын санал, зөвлөмжийг хүргүүлж, сургалт явуулж, чиглэл өгөн хамтран ажиллах, Гэмт хэргээс урьдчилан сэргийлэх, шинэчлэн гарч байгаа хууль, тогтоомжийг сурталчлах, Прокурорын байгууллагын үйл ажиллагааг сурталчлах өдөрлөгийг зохион байгуулах, Гэмт хэргээс урдчилан сэргийлэх чиглэлээр үйл ажиллагаа доголдож байгаа болон шаардлагатай харъяалах зарим сумдад хүрч ажиллах зэрэг ажлууд багтжээ.

Цаашид Монгол Улсын Ерөнхий прокурорын 2017 оны үйл ажиллагааны төлөвлөгөөнд тусгагдсаны дагуу гэмт хэргээс урьдчилан сэргийлэх чиглэлээр харъяалах орон нутгийн байгууллагатай хамтран ажиллагаан гэмт хэргээс урдчилан сэргийлэх төлөвлөгөөнд орсон ажилыг эрчимжүүлэхэд анхааран удирдлага зохион байгуулалтын арга хэмжээ аван ажиллаж байна.