ШҮҮХИЙН ШИЙДВЭР ГҮЙЦЭТГЭХ АЛБАТАЙ ХАМТАРСАН ЗӨВЛӨГӨӨН ЗОХИОН БАЙГУУЛЖЭЭ

  1. 2017-04-13
  2. Архив,
  3. 478 уншсан
  4. 1 минут уншина
A- A A+
ШҮҮХИЙН ШИЙДВЭР ГҮЙЦЭТГЭХ АЛБАТАЙ ХАМТАРСАН ЗӨВЛӨГӨӨН ЗОХИОН БАЙГУУЛЖЭЭ

 
Улсын Ерөнхий прокурорын газарт энэ сарын 5-7-ны өдрүүдэд Ял эдлүүлэх ажиллагаанд хяналт тавих прокуроруудын нэгдсэн сургалт, зөвлөгөөн болсон. Сургалт, зөвлөгөөнд хамрагдсан прокуроруудад Ял эдлүүлэх ажиллагаанд хяналт тавих хэлтсийн дарга Э.Амарбат үүрэг чиглэл өгсөн. Энэхүү үүрэг, чиглэлийг биелүүлэх ажлын хүрээнд Сүхбаатар аймгийн прокурор Б.Очбадар, Туслах прокурор Д.Баттулга нар тус аймаг дахь Шүүхийн шийдвэр гүйцэтгэх албатай хамтран зөвлөгөөн зохион байгуулсан байна. Зөвлөгөөнөөр Хорих ял эдлүүлэх болон баривчлах, цагдан хорих байрны үйл ажиллагаа, цаашид анхаарах асуудал, Улсын Ерөнхий Прокурорын газрын баримталж буй бодлого чиглэл, цаг үеийн байдлаар харилцан санал солилцжээ.