\"ПРОКУРОР ИРГЭНИЙ ХЭРЭГ ХЯНАН ШИЙДВЭРЛЭХ АЖИЛЛАГААНД ОРОЛЦОХ НЬ” СЭДВЭЭР МЭДЭЭЛЭЛ ХИЙЖЭЭ

  1. 2017-04-21
  2. Архив,
  3. 620 уншсан
  4. 1 минут уншина
A- A A+
\

 
Баянхонгор аймгийн Прокурорын газраас  иргэний хэрэг хянан шийдвэрлэх ажиллагаанд прокурор оролцох, гэмт хэргээс урьдчилан сэргийлэх ажлыг эрчимжүүлэх  зорилгоор  Баянхонгор аймгийн  төрийн байгууллагуудын дарга нарт  мэдээлэл хийжээ. Мэдээллийн эхэнд аймгийн прокурорын газрын орлогч прокурор Б.Билэгсайхан "Прокурор иргэний хэрэг хянан шийдвэрлэх ажиллагаанд оролцох нь” сэдвээр мэдээлэл хийж, төрийн байгууллагыг төлөөлж иргэний хэрэг хянан шийдвэрлэх ажиллагаанд прокурор оролцох болсон шалтгаан нөхцөл, энэ талаарх хуулийн үзэл баримтлал, төрийн байгууллагыг төлөөлж прокурор иргэний хэрэг хянан шийдвэрлэх ажиллагаанд оролцохын ач холбогдол, давуу тал, Улсын Ерөнхий Прокурорын Газраас Хөдөлмөр, нийгмийн хамгааллын яам, Байгаль орчин аялал, жуулчлалын яам, Сангийн яамтай тус тус байгуулсан санамж бичгүүдийг танилцуулж, хэрэгжүүлж ажиллах чиглэлүүдийн талаар танилцуулсан байна. Харин туслах прокурор П.Мөнхтуяа "Гэмт хэргээс урьдчилан сэргийлэх нь хүн бүрийн үүрэг мөн” сэдвээр мэдээлэл хийж, Гэмт хэргээс урьдчилан сэргийлэх тухай хуулийн зорилт, агуулга, 2017 оны 1 дүгээр улирлын байдлаарх аймаг, сум, багт үйлдэгдсэн гэмт хэргийн гаралтыг өмнөх оны мөн үетэй харьцуулсан  байдлаар судалгааны дүнг тус тус  танилцуулж, нутгийн захиргааны бүх шатны байгууллага, бусад аж ахуйн нэгж, хуулийн этгээдээс болон иргэний зүгээс гэмт хэргээс урьдчилан сэргийлэх талаар  хүлээсэн  үүргийг хэрэгжүүлж ажиллах талаар чиглэл өгчээ. Дээр дурдисан мэдээллүүдийг хийснээр төрийн байгууллагын дарга нараас төрийн  ашиг сонирхол зөрчигдсөн тохиолдолд төрийн байгууллагыг төлөөлж, прокурор иргэний хэрэг хянан шийдвэрлэх ажиллагаанд оролцохын ач холбогдлын талаар тодорхой ойлголт авч, хамтран ажиллахаа илэрхийлсэн байна.