“ЭРҮҮГИЙН БАЙЦААН ШИЙТГЭХ АЖИЛЛАГАА, АНХААРАХ АСУУДАЛ” СЭДЭВТ ХАМТАРСАН ЗӨВЛӨГӨӨН БОЛЛОО

  1. 2017-04-28
  2. Архив,
  3. 443 уншсан
  4. 1 минут уншина
A- A A+
“ЭРҮҮГИЙН БАЙЦААН ШИЙТГЭХ АЖИЛЛАГАА, АНХААРАХ АСУУДАЛ” СЭДЭВТ ХАМТАРСАН ЗӨВЛӨГӨӨН БОЛЛОО

Сонгинохайрхан дүүргийн прокурорын газраас санаачлан харъяа дүүргийнхээ Эрүүгийн хэргийн анхан шатны шүүхийн шүүгчид, Цагдаагийн 1, 2, 3 дугаар хэлтсийн удирдах албан хаагчид, ахлах байцаагч нартай "Эрүүгийн байцаан шийтгэх ажиллагаа, анхаарах асуудал” сэдэвтэй хамтарсан зөвлөгөөнийг зохион байгуулжээ. Зөвлөгөөнийг дүүргийн прокурор Д.Отгонбаяр нээж Эрүүгийн байцаан шийтгэх хууль болон холбогдох бусад хуулийг нэг мөр хэрэгжүүлэн ажиллахад чиглэгдсэн хамтарсан зөвлөлгөөний зорилгыг тайлбарлаж, Шүүхэд төрийг төлөөлөх ажил хариуцсан туслах прокурор Б.Отгончимэг "Прокурорын байгууллагын 2017 онд дэвшүүлсэн зорилт, 2016 он болон 2017 оны нэгдүгээр улирлын байдлаар Шүүхэд төрийг төлөөлөх чиглэлээр хийж буй ажил, энэ онд тус хяналтын чиглэлээр хийгдэх ажил болон заавар журамд орсон нэмэлт өөрчлөлтүүдийн талаар тайлбарласан байна. Мөн энэ үеэр Эрүүгийн хэргийн анхан шатны шүүхийн шүүгч Б.Дашдондов "Хэрэг бүртгэлт, мөрдөн байцаалтын болон прокурорын хяналтын шатанд гарч буй алдаа, түүнд анхаарч ажиллах" талаар , шүүгч Б.Батаа "Сэжигтэн, яллагдагчийг хорих үйл ажиллагаа, гарч буй хүндрэл бэрхшээл, гаргаж буй алдаа"-ны талаар тус тус  илтгэл тавьж дурдагдсан асуудлуудын талаар харилцан санал, шүүмжлэлийг бодит жишээ ашиглан хэлэлцжээ.  Цагдаагийн байгууллагын зүгээс уг хамтарсан зөвлөгөөнийг үр дүнтэй болсон талаар дурьдаж энэ оны төгсгөлд дахин шүүгч, прокуроруудаар Цагдаагийн хэлтсүүд сургалт авах талаар саналаа илэрхийлж сургалт хийхээр шийдвэрлэсэн байна.