“ХОРИХООС ӨӨР ТӨРЛИЙН ЯЛ ЭДЛҮҮЛЭХ АЖИЛЛАГААНД ПРОКУРОР ХЯНАЛТ ТАВИХ НЬ” СЭДЭВТ СУРГАЛТ БОЛЖЭЭ

  1. 2017-04-28
  2. Архив,
  3. 451 уншсан
  4. 1 минут уншина
A- A A+
“ХОРИХООС ӨӨР ТӨРЛИЙН ЯЛ ЭДЛҮҮЛЭХ АЖИЛЛАГААНД ПРОКУРОР ХЯНАЛТ ТАВИХ НЬ” СЭДЭВТ СУРГАЛТ БОЛЖЭЭ

 
Баянгол дүүргийн прокурорын газраас 2017 оны 04 дүгээр сарын 21-ний өдөр Нийслэлийн шийдвэр гүйцэтгэх албаны удирдлага, албан тушаалтнуудтай ажил хэргийн уулзалт зохион байгуулж, "Прокурорын байгууллагын Ял эдлүүлэх ажиллагаанд хяналт тавих ажил хариуцсан прокуроруудын нэгдсэн зөвлөгөөн”-д Улсын Ерөнхий прокурорын орлогч прокурор, хэлтсийн дарга нараас өгсөн үүрэг даалгавруудыг танилцуулж, цаашид хорихоос өөр төрлийн ялын биелэлтийг хэрхэн хангуулах тал дээр хамтран тодорхой арга хэмжээнүүдийг авч хэрэгжүүлж, үр дүнг тооцож ажиллахаар болсон. Энэхүү уулзалт, зөвлөгөөнөөс гарсан шийдвэрийн дагуу өчигдөр тус албаны хяналтанд байгаа эд хөрөнгө хураах ялаар шийтгүүлсэн ялтан Б.Итгэлтэй прокурор, шийдвэр гүйцэтгэгч нарын хамтарсан ажлын хэсэг хорих анги дээр нь очиж уулзаж, төлбөрөө хэрхэн барагдуулах талаар санал бодлыг нь сонсож, төлбөрөө барагдуулахад ажлын байраар хангах, гэр бүлтэй нь холбож өгөх тал дээр дэмжлэг үзүүлэх асуудлыг богино хугацаанд шийдэж өгөхийг Хорих ангийн удирдлага, холбогдох албан тушаалтнуудад нь танилцууллаа. Мөн тус Нийслэлийн шийдвэр гүйцэтгэх албаны хяналтанд байгаа "Тодорхой албан тушаал эрхлэх, үйл ажиллагаа явуулах эрх хасах ял”-аар шийтгүүлсэн 26 ялтантай уулзалт хийж, тэдэнд "Хорихоос өөр төрлийн ял эдлүүлэх ажиллагаанд прокурор хяналт тавих нь” сэдвээр болон хуульд заасан шүүхээс даалгасан үүргээ нэг мөр хэрэгжүүлэн, алдаа зөрчил гаргахгүй байх талаар холбогдох сургалтыг хийж, гэмт хэрэг, зөрчилд холбогдохоос урьдчилан сэргийлэх ажлын хүрээнд "Санамж бичиг”-г ялтан нэг бүрт гардуулан өгч ажиллалаа.