ТОДОРХОЙ АЛБАН ТУШААЛ ЭРХЛЭХ,ТОДОРХОЙ ҮЙЛ АЖИЛЛАГАА ЯВУУЛАХ ЭРХ ХАСАХ ЯЛААР ШИЙТГҮҮЛСЭН ЯЛТНУУД СУРАЛТАНД ХАМРАГДЛАА

  1. 2017-05-08
  2. Архив,
  3. 552 уншсан
  4. 1 минут уншина
A- A A+
ТОДОРХОЙ АЛБАН ТУШААЛ ЭРХЛЭХ,ТОДОРХОЙ ҮЙЛ АЖИЛЛАГАА ЯВУУЛАХ ЭРХ ХАСАХ ЯЛААР ШИЙТГҮҮЛСЭН ЯЛТНУУД СУРАЛТАНД ХАМРАГДЛАА

Дархан-Уул аймгийн прокурорын  газар, цагдаагийн газрын  хөдөлгөөний аюулгүй байдлыг хангах тасагтай  хамтарч  тус аймгийн хэмжээнд тээврийн хэрэгсэл жолоодох эрх хасах ялаар шийтгүүлсэн ялтнуудад энэ сарын 3-ны өдөр сургалт зохион байгуулжээ. Сургалтыг  аймгийн прокурорын газрын ял эдлүүлэх ажиллагаанд тавих хяналт хариуцсан туслах прокурор Б.Даваадулам удирдан явуулсан байна. Тэрээр сургалтыг явуулахдаа  Улсын Ерөнхий прокурорын 2015 оны 08 дугаар сарын 11-ний өдрийн А/89 дугаартай тушаалаар батлагдсан "Ял эдлүүлэх ажиллагаанд тавих прокурорын хяналтын заавар”, Улсын Ерөнхий прокурорын 2015 оны 09 дүгээр сарын 03-ны өдрийн А/91 дугаартай тушаалаар батлагдсан  "Прокурор хилийн хориг тавих, цуцлах журам” болон Хууль зүйн сайдын 2013 оны 06 дугаар сарын 11-ний өдрийн А/130 дугаартай тушаалаар батлагдсан "Тодорхой албан тушаал эрхлэх, үйл ажиллагаа явуулах эрх хасах ял эдлүүлэх ажиллагаанд хяналт тавих журам”-ын талаар таниулан сурталчилжээ. Харин Эрүүгийн хуулийн 258 дугаар зүйлд зааснаар шүүхийн шийдвэрийг биелүүлэхээс зайлсхийсэн тохиолдолд хүлээлгэх  хариуцлагын  талаар, цагдаагийн хошууч С.Хурцбилэг  "Замын хөдөлгөөний тухай хууль” болон дүрмийн талаар сургалтыг явуулсан байна.  Сургалтын дараа  шийдвэр гүйцэтгэх албаны шийдвэр гүйцэтгэгч дэслэгч Б.Отгончимэг ялтнуудтай "Санамж” бичиг байгуулжээ.