ПРОКУРОР, ХЭРЭГ БҮРТГЭГЧ, МӨРДӨН БАЙЦААГЧ НАРЫН ХАМТАРСАН ЗӨВЛӨГӨӨН БОЛЖЭЭ

Баян-Өлгий аймгийн прокурорын газраас санаачлан прокурор, хэрэг бүртгэгч, мөрдөн байцаагч нарын хамтарсан зөвлөгөөнийг зохион байгуулжээ. Тус зөвлөгөөнд прокуроруудаас гадна аймаг дахь Цагдаагийн газрын хэрэг бүртгэлт явуулах эрх бүхий нийт албан тушаалтнууд, эрүүгийн төлөөлөгч,  мөрдөн байцаагч зэрэг нийт 50 албан тушаалтан хамрагдсан байна.  Хамтарсан зөвлөгөөнийг  Аймгийн прокуророос баталсан хөтөлбөрийн дагуу  явуулж,  орлогч прокурор А.Турдыбек "Сэжигтэн, яллагдагчийн  гэм буруугийн асуудлыг шүүхээр шийдвэрлүүлэх ажиллагааны онцлог,  гарах үр дүн”,  Цагдаагийн газрын хэрэг бүртгэх, мөрдөн байцаах тасгийн дарга х/ч Ж.Өлзийтогтох  "Хэрэг бүртгэлт, мөрдөн байцаалтын явцад учирч буй  хүндрэл, бэрхшээл”  сэдвүүдээр тус тус мэдээлэл хийжээ.

Түүнчлэн   Гэр бүлийн хүчирхийлэлтэй тэмцэх тухай хуулийн хэрэгжилтийг хангах, энэ төрлийн  хэрэг  зөрчлүүдийг шалгаж шийдвэрлэх анхаарах асуудлын талаар хэлэлцэж, тавьсан мэдээлэл, гарсан санал, шүүмжлэлүүдийг нэгтгэн зөвлөгөөнөөс  Зөвлөмж гарган  хэрэгжүүлэн ажиллахаар болсон байна.