БАЯНЗҮРХ ДҮҮРГИЙН ПРОКУРОРЫН ГАЗРААС ХОРООНЫ ЗАСАГ ДАРГА НАРТ СУРГАЛТ ЯВУУЛАВ

  1. 2017-05-10
  2. Архив,
  3. 549 уншсан
  4. 1 минут уншина
A- A A+
БАЯНЗҮРХ ДҮҮРГИЙН ПРОКУРОРЫН ГАЗРААС ХОРООНЫ ЗАСАГ ДАРГА НАРТ СУРГАЛТ ЯВУУЛАВ
Баянзүрх дүүргийн прокурорын газраас харъяа дүүргийнхээ Засаг даргын Тамгын газар, Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран хороон засаг дарга нарт сургалт зохион байгуулжээ.Сургалтанд Баянзүрх дүүргийн прокурор О.Алтангэрэл, Ял эдлүүлэх ажиллагаанд хяналт тавих ажил хариуцсан туслах прокурор Б.Чойжилсүрэн, хяналтын прокурор П.Нархажид нар оролцож, мэдээлэл хүргэсэн байна.  Тодруулж хэлбэл, дүүргийн прокурор О.Алтангэрэл Прокурорын байгууллагын чиг үүрэг, Захиргааны хариуцлагын тухай хууль, Зөрчлийн тухай хуулийн талаар болон хорооны засаг дарга нар хуулийн хэрэгжилтэнд хэрхэн  үүрэг оролцоотойг  танилцуулсан байна. Түүний дараа туслах прокурор Б.Чойжилсүрэн Монгол Улсын Ерөнхий Прокурор, Цагдаагийн Ерөнхий газрын даргын 2016 оны 01 дүгээр сарын 08-ны өдрийн А/05, А/09 дугаартай тушаалаар батлагдсан "Тэнсэгдсэн ялтанд хяналт тавих журам”-ын талаарх ойлголт, тэнсэгдсэн ялтаны хувийн хэрэгт  засаг дарга нараас сар бүр тодорхойлолт өгөхдөө ялтны засрал хүмүүжлийн талаар  үнэн зөв дүгнэлт хийж , журмын заалтыг хэрэгжүүлж ажиллахыг анхааруулжээ. Харин хяналтын прокурор П.Нархажид "Захиргааны зөрчлийн хэрэг бүртгэлтийн ажиллагаа явуулахад анхаарах асуудал" сэдвээр тус тус мэдээлэл хийжээ. Сургалтын үеэр хорооны Засаг дарга нар хороон дээр ажиллаж байгаа хэсгийн байцаагч, цагдаа нар унаа автомашингүй, урамшуулалт эргүүл явуулах төсөв хөрөнгөгүй зэргээс болж гэмт хэргээс урьдчилан сэргийлэх ажил зохион байгуулахад хүндрэлтэй байгаа талаар хэлсэн байна.   Хууль журам зөрчсөн 8 нэрийн барааны дэлгүүрийг хаалгахад эргээд өөр нэр солиод дахин үйл ажиллагаа явуулдаг зөрчлүүд гардаг талаар болон цагдаагийн хэсгийн байцаагч нар тогтвортой ажиллахгүй, удаа дараа солигдож байгааг анхаарч, хороон дээр хэсгийн байцаагч нарыг тогтвортой ажиллуулах, ажиллах нөхцөл байдлаар нь хангаж өгөх талаар зохих байгууллагад нь уламжилж өгөхийг хүсчээ.