БАЯН-ӨЛГИЙ АЙМГИЙН ПРОКУРОРЫН ГАЗРААС ХАМТАРСАН СУРГАЛТ ЗОХИОН БАЙГУУЛЖЭЭ

  1. 2017-05-12
  2. Архив,
  3. 515 уншсан
  4. 1 минут уншина
A- A A+
БАЯН-ӨЛГИЙ АЙМГИЙН ПРОКУРОРЫН ГАЗРААС ХАМТАРСАН СУРГАЛТ ЗОХИОН БАЙГУУЛЖЭЭ
 Баян-Өлгий аймгийн прокурорын газраас тодорхой албан тушаал эрхлэх, үйл ажиллагаа явуулах эрхийг хасах ялаар шийтгүүлсэн ялтнуудад холбогдох хууль журмыг сурталчлан таниулах, хууль эрх зүйн мэдлэгийг дээшлүүлэх, мөн дахин гэмт хэрэг, зөрчилд холбогдохоос урьдчилан сэргийлэх зорилгоор харьяа Шүүхийн шийдвэр гүйцэтгэх алба, аймгийн Цагдаагийн газрын замын цагдаагийн тасагтай хамтран сургалт зохион байгуулжээ. Сургалтад тээврийн хэрэгсэл жолоодох эрх хасагдсан 10 ялтан хамрагдсан байна. Хамтарсан сургалтыг Аймгийн прокурор болон харьяа Шүүхийн шийдвэр гүйцэтгэх албаны даргаас баталсан хөтөлбөрийн дагуу явуулж, аймгийн прокурор Т.Батсүх "Хууль дээдлэх ёс”, албаны дарга х/ч Э.Бадамсамбуу "Тодорхой албан тушаал эрхлэх үйл ажиллагаа явуулах эрхийг хасах ялын тухай ойлголт”,  Ял эдлүүлэх ажиллагаанд тавих хяналт хариуцсан туслах прокурор А.Еркегүл "Тодорхой албан тушаал эрхлэх үйл ажиллагаа явуулах эрхийг хасах ял оногдуулсан шүүхийн шийтгэх тогтоол биелүүлээгүй этгээдэд хүлээлгэх хариуцлага”, замын цагдаагийн тасгийн ахлах зохицуулагч, цагдаагийн ахмад П.Банзрагч "Тээврийн хэрэгсэл жолоодох эрх хасах ялын биелэлтэнд тавьж буй хяналт” сэдвүүдээр тус тус мэдээлэл хийжээ. Сургалттай холбогдуулан ялтнуудаас гаргасан санал хүсэлтийг сонсон, тэдгээрт тавигдсан хилийн хоригийг журамд заасан үндэслэлээр түр хугацаагаар түдгэлзүүлж болох талаар, сургалтаар олж мэдсэн зүйлүүдээ өөр бусдад дамжуулан "Тээврийн хэрэгслийн хөдөлгөөний авулгүй байдлын эсрэг гэмт хэрэг”-ээс урьдчилан сэргийлэх  үйл хэрэгт хувь нэмэр оруулахыг зөвлөж ойлгуулсан байна. Хамтарсан сургалтанд оролцсон эрх бүхий албан хаагч нар "Ялын биелэлтийг илүү сайжруулах”-аар, ялтнууд "ял эдэлж буй хугацаандаа тээврийн хэрэгсэл жолоодохгүй байх талаар " тус тус санал санаачлага гарган үүрэг амлалт авч идэвхитэй оролцсон байна.