СЭЛЭНГЭ АЙМГИЙН ПРОКУРОРЫН ГАЗРААС ПРОКУРОРУУДЫН ДУНД МЭТГЭЛЦЭЭН ЗОХИОН БАЙГУУЛАВ

  1. 2017-05-16
  2. Архив,
  3. 538 уншсан
  4. 1 минут уншина
A- A A+
СЭЛЭНГЭ АЙМГИЙН ПРОКУРОРЫН ГАЗРААС ПРОКУРОРУУДЫН ДУНД МЭТГЭЛЦЭЭН ЗОХИОН БАЙГУУЛАВ
Улсын ерөнхий прокурорын газраас 2017 онд дэвшүүлсэн "Прокурорын мэтгэлцэх ур чадварыг дээшлүүлэх, нийтийн ашиг сонирхолыг хамгаалж, шүүхэд төлөөлөн оролцох оролцоог нэмэгдүүлэх” зорилтын хүрээнд Сэлэнгэ аймгийн прокурорын газраас аймаг болон сум дундын прокурорын газрын хэрэг бүртгэх, мөрдөн байцаах ажиллагаанд тавих хяналт хариуцсан хяналтын прокуроруудын дунд  мэтгэлцээн зохион байгуулав. Мэтгэлцээнээр Монгол Улсын  Эрүүгийн хуулийн тусгай ангийн 91, 94, 153 дугаар зүйл ангиудад заасан гэмт хэргийг ойролцоо төрлийн гэмт хэргээс хэрхэн  ялгах талаар бодлого бодуулж хэрхэн мэтгэлцэж байгааг дүгнэж шалгаруулсан байна. Тус мэтгэлцээнд Мандал сум дахь Сум дундын прокурорын газрын хяналтын прокурор Б.Энхбат бусдыгаа манлайлан оролцож аймгийн прокурорын "Өргөмжлөл”, дурсгалын зүйлээр шагнуулжээ. Мэтгэлцээнийг  Улсын Ерөнхий прокурорын газрын Шүүхэд төрийг төлөөлөх хэлтсийн хяналтын прокурор Г.Гэрэлтуяа, аймгийн прокурор Ж.Мөнхжаргал нар дүгнэж шалгаруулжээ. Мэтгэлцээний дараа хяналтын прокурор Г.Гэрэлтуяа "Яллах дүгнэлтийн хууль зүйн үндэслэл, анхаарах асуудал"сэдвээр , аймгийн прокурор Ж.Мөнхжаргал, орлогч прокурор Б.Энхтулга, туслах прокурор А.Золзаяа нар  "Улсын яллагч нарын шүүх хуралдааны бичлэгтэй танилцсан дүн"-гийн талаар танилцуулж цаашид анхаарах асуудлын талаар харилцан ярилцжээ.  Цаашид энэ ажлыг тогтмол зохион байгуулах нь прокуроруудын мэтгэлцэх ур чадварыг дээшлүүлэхэд ач холбогдолтой гэж үзэж нэгж бүр хариуцаж зохион байгуулж байхаар шийдвэрлэсэн байна.