УЛСЫН БАЙЦААГЧ НАРЫН ЗАХИРГААНЫ ЗӨРЧЛИЙН ХЭРЭГ БҮРТГЭЛТИЙН АЖИЛЛАГААНД ШАЛГАЛТ ХИЙВ

  1. 2017-05-22
  2. Архив,
  3. 428 уншсан
  4. 1 минут уншина
A- A A+
УЛСЫН БАЙЦААГЧ НАРЫН ЗАХИРГААНЫ ЗӨРЧЛИЙН ХЭРЭГ БҮРТГЭЛТИЙН АЖИЛЛАГААНД ШАЛГАЛТ ХИЙВ
Налайх, Багахангай дүүргийн прокурор, хууль цаазын итгэмжит зөвлөх Ц.Ариунболдоор ахлуулсан дүүргийн прокурорын орлогч Б.Гантулга, хяналтын прокурор М.Батхишиг,  туслах ажилтан Б.Бямбасүрэн бүрэлдэхүүнтэй ажлын хэсэг Багахангай дүүрэгт ажиллажээ. Ажлын хэсэг дүүргийн прокурорын баталсан удирдамжийн дагуу Багахангай дүүрэг дэх Цагдаагийн тасаг, Онцгой байдлын хэлтэс, Мэргэжлийн хяналтын хэлтэс зэрэг байгууллагуудын эрх бүхий улсын байцаагч нарын захиргааны  зөрчлийн хэрэг бүртгэлтийн ажиллагаа явуулж буй байдал хууль тогтоомжид нийцэж буй эсэхийг шалгаж дүнг холбогдох байгууллагын удирдлага, бие бүрэлдхүүнийг байлцуулан танилцуулсан байна. Дүүргийн прокурор, хууль цаазын итгэмжит зөвлөх Ц.Ариунболд, дүүргийн Засаг дарга болон Иргэдийн хурлын дарга, ГХУСАЗЗөвлөлийн дарга нартай уулзан прокурорын байгууллагын үйл ажиллагааг танилцуулан гэмт хэргээс урьдчилан сэргийлэх ажилд орон нутгийн төр захиргааны байгууллагатай хамтран ажиллах чиглэлээр харилцан ярилцаж ирэх 9 дүгээр сард гэмт хэргээс урьдчилан сэргийлэх чиглэлээр хамтарсан зөвлөгөөн, прокурорын байгууллагын нээлттэй хаалганы өдөр зохион байгуулахаар тохиролцжээ. Мөн хяналтын прокурор, хууль цаазын зөвлөх М.Батхишиг Багахангай дүүрэг дэх Онгой байдлын хэлтэс, Хот тохижилт үйлчилгээний газар зэрэг байгууллагуудын ажилтнуудад прокурорын байгууллагын үйл ажиллагаа болон гэмт хэргээс урьдчилан сэргийлэх чиглэлээр яриа таниулга хийж ажилласан байна.