Хан-Уул дүүргийн прокурорын газраас согтуугаарүйлдэгдсэн хөнгөн гэмт хэргийн шийдвэрлэлт, хууль зүйн үндэслэлийг дүүргийн прокурорын баталсан удирдамж, чиглэлийн дагуу судалжээ. Тодруулж хэлбэл, дүүргийн Цагдаагийн 1,2 дугаар хэлтсээс 2017 оны эхний 4 сарын байдлаар нийт 388 хөнгөн хэрэгт хэрэг бүртгэх ажиллагаа явуулсан хэргээс прокурор 164 хэргийг хэрэгсэхгүй болгож, 14 хэргийг шүүхэд шилжүүлсэн байна. Прокурорууд судалгааны дүнг үндэслэн тус дүүргийн Цагдаагийн 1, 2 дугаар хэлтсийн хэрэг бүртгэгч нарт согтуугаар үйлдэгдсэн гэмт хэргийг шалгах, нотлох баримт цуглуулах ажиллагаанд анхаарах асуудлын талаар сургалт явуулсан байна.
Улсын Ерөнхий Прокурорын Газрын Олон нийттэй харилцах алба
