АХЛАХ АНГИЙН СУРАГЧДАД “ГЭМТ ХЭРГЭЭС УРЬДЧИЛАН СЭРГИЙЛЭХ” ТАЛААР СУРГАЛТ ЗОХИОН БАЙГУУЛАВ

  1. 2017-05-31
  2. Архив,
  3. 732 уншсан
  4. 1 минут уншина
A- A A+
АХЛАХ АНГИЙН СУРАГЧДАД “ГЭМТ ХЭРГЭЭС УРЬДЧИЛАН СЭРГИЙЛЭХ” ТАЛААР СУРГАЛТ ЗОХИОН БАЙГУУЛАВ
Сонгинохайрхан дүүргийн прокурорын газраас гэмт хэргээс урьдчилан сэргийлэх ажлын хүрээнд дүүргийн Иргэдийн төлөөлөгчдийн хурал,  "Гэмт хэргээс урьдчилан сэргийлэх ажлыг зохицуулах зөвлөл”-тэй хамтран Сонгинохайрхан дүүргийн "Ирээдүй цогцолбор” сургуулийн хоёрдугаар ахлах сургуулийн сурагчдад "Гэмт хэргээс урьдчилан сэргийлэх” талаар сургалт зохион байгуулжээ. Сургалтаар гэмт хэрэг, зөрчил гарч болзошгүй нөхцөл байдлыг судалж, түүнээс урьдчилан сэргийлэх, таслан зогсоох, холбогдох хууль тогтоомжийг мэдээлэх, сурталчлах мөн тус прокурорын газраас хийж гүйцэтгэсэн ажил, прокурорын байгууллагын үйл ажиллагаа, бодлого чиглэлийн талаар таниулга хийсэн байна.  Мөн энэ үеэр сурагчдын дунд  "Архи тамхигүй орчин” сэдэвт фото зургийн уралдаан болон "Ирээдүй миний нүдээр” сэдэвт илтгэлийн уралдааныг зохион байгуулжээ. Уралдаанд тус сургуулийн нийт 300 гаруй сурагчид бүтээлээ ирүүлснээс фото зургийн уралдаанд 1 дүгээр байранд 12п ангийн сурагч Б.Одбаяр, 2 дугаар байранд 10в ангийн сурагч Г.Ган-Очир, 3 дугаар байранд 10б ангийн сурагч А.Баярмагнай нар, Э.Эрдэнэбаатар нарын бүтээлүүд шалгарсан бол илтгэлийн уралдаанд 1 дүгээр байранд 10б ангийн сурагч Г.Мөнгөнчимэг, 2 дугаар байранд 11ё ангийн сурагч А.Минжмаа, 3 дугаар байранд 11а ангийн сурагч Г.Баяржавхлан нарын бичсэн илтгэл тус тус шалгарсан байна.