ХИЛИЙН ЦЭРГИЙН 0129 ДҮГЭЭР АНГИД ХУУЛЬ СУРТАЛЧИЛЖ, СУРГАЛТ ЗОХИОН БАЙГУУЛЛАА

  1. 2017-06-02
  2. Архив,
  3. 858 уншсан
  4. 1 минут уншина
A- A A+
ХИЛИЙН ЦЭРГИЙН 0129 ДҮГЭЭР АНГИД ХУУЛЬ СУРТАЛЧИЛЖ, СУРГАЛТ ЗОХИОН БАЙГУУЛЛАА
Дорноговь аймгийн прокурорын газар,Эрдэнэ сум дахь Хилийн цэргийн  0129 дүгээр анги 2017 оны эхэнд баталсан ”Хамтран ажиллах төлөвлөгөө”-ний дагуу тус прокурорын газрын шүүхэд төрийг төлөөлөх ажил хариуцсан туслах прокурор Ж.Айжуу Хилийн цэргийн 0129 дүгээр  ангийн  офицер, ахлагч, энгийн ажилчдад сургалт зохион байгуулжээ. Сургалтаар тусгайлан гаргасан хөтөлбөрийн дагуу аймгийн прокурорын газрын 2017 оны эхний 5 сард хийсэн ажлын тухай, аймгийн эрүүгийн нөхцөл байдлын талаар мэдээлэл хийж, Гэмт хэргээс урьдчилан сэргийлэх тухай,Гэр бүлийн хүчирхийлэлттэй тэмцэх тухай,Эрүүгийн хууль зэрэг хууль тогтоомжуудыг тайлбарлан таниулах, хууль сурталчлах ажлыг зохион байгуулсан байна. Мөн мансууруулах болон сэтгэцэд нөлөөлөх эм, бэлдмэл, бодисыг хууль бусаар бэлтгэх, олж авах, хадгалах,тээвэрлэх, илгээх, борлуулах гэмт хэргийн талаар, Засгийн газрын 2017 оны 3 дугаар сарын7-ны өдрийн  хуралдаанаар баталсан ”Хар тамхи, мансууруулах бодистой тэмцэх үндэсний хөтөлбөр” зэргийг танилцуулж энэ төрлийн гэмт хэрэг үйлдэгдэхээс урьдчилан сэргийлэх талаар харилцан санал бодлоо солилцож, зөвлөгөө өгсөн нь цэргийн ангийн бие бүрэлдэхүүний хууль эрх зүйн мэдлэгийг тодорхой хэмжээгээр дээшлүүлэхэд үр дүнтэй ажил болж чаджээ. Түүнээс гадна хилийн тагнуулын албаны эрх бүхий албан тушаалтан, хилийн төлөөлөгч, түүний орлогч, туслах офицер болон захиргааны зөрчлийн хэрэг бүртгэх эрх бүхий 10 албан тушаалтанд Эрүүгийн байцаан шийтгэх хуулинд заасан хойшлуулшгүй ажиллагааг хэрхэн явуулахад анхаарах асуудал,  захиргааны зөрчлийн хэрэг бүртгэх ажиллагааг явуулахад анхаарах асуудал, Хилийн зөрчлийг нотлох баримтаар хэрхэн шалгаж тогтоох зэрэг сэдвүүдээр сургалт зохион байгуулж, харилцан ярилцаж, сургалтанд хамрагдсан ажилтнуудын дунд практик ажил арга хэмжээ зохион байгуулсан нь хэрэг бүртгэх эрх бүхий ажилтнуудын хуулийн мэдлэг, ажлын арга барил, чадварыг
 
дээшлүүлэхэд үр дүнгээ өгсөн  ажил хэрэгч сургалт болсон байна.