ТОСОНЦЭНГЭЛ СУМЫН АХЛАХ АНГИЙН СУРАГЧДАД СУРГАЛТ ЗОХИОН БАЙГУУЛЖЭЭ

  1. 2017-06-07
  2. Архив,
  3. 535 уншсан
  4. 1 минут уншина
A- A A+
ТОСОНЦЭНГЭЛ СУМЫН АХЛАХ АНГИЙН СУРАГЧДАД СУРГАЛТ ЗОХИОН БАЙГУУЛЖЭЭ
Завхан аймгийн Тосонцэнгэл сум дахь Сум дундын прокурорын газрын 2-р улирлын ажлын төлөвлөгөөнд тусгагдсаны дагуу Цагдаагийн хэлтэстэй хамтран гэмт хэргээс урьдчилсан сэргийлэх ажлын хүрээнд Ерөнхий боловсролын 11 жилийн 2 дугаар сургуулийн ахлах ангийн сурагчдад сургалт зохион байгуулжээ. Сургалтаар насанд хүрээгүй этгээд нь гэмт хэрэгт холбогдохоос урьдчилан сэргийлэхийн тулд сургуулийн удирдлага нийгмийн ажилтны зүгээс юунд анхаарч ажиллах, цаашлаад сурагчдад гэмт хэргийн тухай ойлголт, түүний үр дагаврын талаар  ойлголт мэдэгдэхүүн өгчээ. Насанд хүрээгүй этгээд нь өөрсдийн гэнэн цайлган зан, санамсар болгоомжгүй үйлдэл, хууль эрх зүйн мэдлэг дутмаг, бусдад урууд татагдах зэргээс шалтгаалан гэмт хэрэгт холбогдох мөн гэмт хэргийн хохирогч болох зэрэг нөхцөл байдал бий болдогтой холбогдуулан тус прокурорын газраас "Насанд хүрээгүй этгээдийн түгээмэл үйлддэг гэмт хэрэг түүнээс урьдчилсан сэргийлэх нь” сэдвээр сургалт зохион байгуулсан байна. Сургалтын явцад хяналтын прокурор Б.Сансарбаяр, замын цагдаагийн байцаагч нар гэмт хэргээс урьдчилан сэргийлэх ажлын хүрээнд өөрсдийн хариуцсан ажлын чиглэлээр сурагчдад мэдээлэл хийжээ. Сургалтанд нийгмийн ажилтан, багш нар болон 90 орчим сурагчид хамрагдсан байна. Дээрх сургалтыг явуулснаар насанд хүрээгүй этгээд нь гэмт хэрэг, зөрчилд холбогдохоос урьдчилан сэргийлэх, өсвөрийн бүлгийн хүүхдүүдээр дамжуулан бусдад үлгэр жишээч байдлыг харуулж сурагчдад зөв боловсон төлөвшлийг олгоход чухал үр дүнтэй сургалт болж чаджээ.