ХОВД АЙМГИЙН ТӨРИЙН БАЙГУУЛЛАГУУДЫН ДУНДАХ СПОРТЫН ТЭМЦЭЭН БОЛЖЭЭ

  1. 2017-06-12
  2. Архив,
  3. 643 уншсан
  4. 1 минут уншина
A- A A+
ХОВД АЙМГИЙН ТӨРИЙН БАЙГУУЛЛАГУУДЫН ДУНДАХ СПОРТЫН ТЭМЦЭЭН БОЛЖЭЭ
Ховд аймгийн прокурорын газраас санаачлан Төрийн байгууллагуудын дунд "Шилжин явах-Цом”-ын төлөөх спортын 3 төрөлт тэмцээнийг өнгөрөгч амралтын өдрүүдэд зохион байгуулжээ. Тэмцээнд тус аймагт үйл ажиллагаа явуулж байгаа төрийн 10 байгууллагын 140 гаруй албан хаагчид оролцсон бөгөөд тэмцээн "Сагсан бөмбөг”, "Одон бөмбөг”, "Дартс” гэсэн 3 төрлөөр явагдсан байна. Тэмцээний сагсан бөмбөгийн төрөлд эрэгтэй баг тамирчдаас тэргүүн байранд Б.Энхмандал ахлагчтай аймгийн Засаг даргын Тамгын газрын баг,  дэд байранд Э.Чулуунбаатар ахлагчтай Зэвсэгт хүчний 123 дугаар ангийн баг, 3 дугаар байранд Б.Ганбат ахлагчтай Шүүхийн шийдвэр гүйцэтгэх албаны Хорих 457 дугаар ангийн баг тамирчид орсон бол эмэгтэй төрөлд тэргүүн байранд Б.Баярмаа ахлагчтай Зэвсэгт хүчний 123 дугаар ангийн баг, 2-р байранд Д.Дүүриймаа ахлагчтай Шүүхийн шийдвэр гүйцэтгэх албаны Хорих 457 дугаар ангийн баг, 3-р байранд В.Азжаргал ахлагтай Онцгой байдлын газрын баг тамирчид тус тус орсон байна.  Харин одон бөмбөгийн төрөлд 1-р байрыг Аймгийн прокурорын газрын хяналтын прокурор Т.Жавхлантөгс, 2-р байрыг Зэвсэгт хүчний 123 дугаар ангийн тамирчин С.Чинзориг, 3-р байрыг Цагдаагийн газрын тамрчин В.Баянмөнх нар тус тус эзэлжээ. Төрийн байгууллагуудын удирдлагуудын дунд зохион явагдсан дартсын тэмцээнд Бүсийн оношлогоо эмчилгээний төвийн тамирчин Ууганбаяр, Онцгой байдлын газрын тамчирчин Д.Батдорж, 12 жилийн 1 дүгээр сургуулийн тамирчин У.Саруулзаяа нар эхний байруудад шалгарсан байна. Тэмцээний нийлбэр дүнгээр хурандаа С.Түвшинбаяр захирагчтай Зэвсэгт хүчний 123 дугаар ангийн баг тамирчид Тэргүүн байр эзэлж "Шилжин явах-цом”-ын эзэн болсон бөгөөд цаашид энэхүү тэмцээнийг жил бүр уламжлал болгон зохион явуулахаар болжээ.