ХӨВСГӨЛ АЙМАГТ БОЛЖ БУЙ ХУУЛИЙН БАЙГУУЛЛАГУУДЫН НЭГДСЭН СУРГАЛТАД 225 ТӨРИЙН АЛБАН ХААГЧ ОРОЛЦОЖ БАЙНА

  1. 2017-06-12
  2. Архив,
  3. 674 уншсан
  4. 1 минут уншина
A- A A+
ХӨВСГӨЛ АЙМАГТ БОЛЖ БУЙ ХУУЛИЙН БАЙГУУЛЛАГУУДЫН НЭГДСЭН СУРГАЛТАД 225 ТӨРИЙН АЛБАН ХААГЧ ОРОЛЦОЖ БАЙНА
Монгол Улсын Дээд Шүүхийн Ерөнхий шүүгч, Улсын Ерөнхий Прокурор, Хууль зүй дотоод хэргийн сайдын хамтарсан 2017 оны 05 дугаар сарын 26-ны өдрийн 28, А/49, А-141 дүгээр захирамж, тушаалын дагуу хуулийн байгууллагуудын нэгдсэн сургалт өнөөдөр Хөвсгөл аймгийн Засаг Даргын Тамгын газрын "Соёмбо” танхимд эхэллээ. Тус сургалтын багийн ахлагчаар Улсын Ерөнхий Прокурорын Ял эдлүүлэх ажиллагаанд хяналт тавих хэлтсийн хяналтын прокурор Т.Мөнхбаяр ажиллаж байгаа бөгөөд сургагч багш нарын баг бүрэлдхүүний талаар болон сургалтын хөтөлбөрийн талаар товч танилцуулж сургалтын үйл ажиллагааг нээж үг хэлсэн юм.  Сургалтын гол зорилго нь Улсын Их хурлаар батлагдсан энэ оны 07 дугаар сарын 01-ний өдрөөс мөрдөгдөх Эрүүгийн хууль, Эрүүгийн хэрэг хянан шийдвэрлэх тухай хууль, Зөрчлийн тухай хууль, Зөрчил шалган шийдвэрлэх тухай хууль, Шүүхийн шийдвэр гүйцэтгэх тухай, Прокурорын тухай хуулиуд батлагдсантай холбогдуулан уг хуулиудын үзэл баримтлал, шинэ зохицуулалтын талаар холбогдох хуулийн байгууллагын албан тушаалтнуудад мэдлэг олгох, хуулийн үзэл баримтлалыг таниулах зорилготой бөгөөд тус аймагт өнөөдөр эхэлж, энэ сар 16-ны өдрийг хүртлэх хугацаанд нийт 5 хоног зохион байгуулагдана.  Сургалтанд аймгийн Прокурорын газрын 9 прокурор, Тамгын хэлтсийн дарга 3 туслах ажилтан, Аймгийн Цагдаагийн газар, Шүүхийн шийдвэр гүйцэтгэх алба, Шүүхийн шинжилгээний алба, Тагнуулын хэлтэс, Цэргийн штаб, Хил хамгаалах байгууллага, Шүүх, Гадаадын иргэн харьяатын газар, Татварын улсын байцаагч, Мэргэжилийн хяналтын улсын байцаагч, Нийгмийн даатгалын улсын байцаагч, Байгаль орчны улсын байцаагч, Гаалийн улсын байцаагч, Хууль зүйн туслалцааны төв, Стандартчилал хэмжилзүйн хэлтсийн улсын байцаагч, Засаг даргын тамгын газрын хууль, эрх зүйн хэлтсийн албан хаагч буюу нийт 225 төрийн албан хаагч хамрагдаж байна.