ШИНЭЧЛЭН БАТЛАГДСАН ХУУЛИЙН ХЭРЭГЖИЛТИЙГ ХАНГАХ БЭЛТГЭЛ АЖЛЫН ХҮРЭЭНД ЗОХИОН БАЙГУУЛАГДАЖ БУЙ СУРГАЛТ 3 ДАХЬ ӨДРӨӨ ҮРГЭЛЖИЛЖ БАЙНА

  1. 2017-06-14
  2. Архив,
  3. 917 уншсан
  4. 1 минут уншина
A- A A+
ШИНЭЧЛЭН БАТЛАГДСАН ХУУЛИЙН ХЭРЭГЖИЛТИЙГ ХАНГАХ БЭЛТГЭЛ АЖЛЫН ХҮРЭЭНД ЗОХИОН БАЙГУУЛАГДАЖ БУЙ СУРГАЛТ 3 ДАХЬ ӨДРӨӨ ҮРГЭЛЖИЛЖ БАЙНА
Улсын Их хурлаар шинэчлэн батлагдсан  "Эрүүгийн хууль”, "Эрүүгийн хэрэг хянан шийдвэрлэх тухай” болон "Зөрчлийн тухай хууль”, "Зөрчил шалган шийдвэрлэх тухай”, "Прокурорын тухай хууль”, "Шүүхийн шийдвэр гүйцэтгэх тухай” хуулиуд  ирэх 7 дугаар сарын 1-ний өдрөөс эхлэн хүчин төгөлдөр үйлчилж эхэлнэ.  Үүнтэй холбогдуулан уг хуулиудын үзэл баримтлал, шинэ зохицуулалтын талаар холбогдох хуулийн байгууллагын албан тушаалтнуудыг сургагч багшийн сургалтад хамруулсан. Тухайн сургагч багш нар Нийслэл, хөдөө орон нутгийн хуулийн байгууллагын албан хаагчдад энэ сарын 12-ны өдрөөс эхлэн сургалт явуулж эхэлсэн талаарх мэдээллийг www.prokuror.mn сайтаараа цаг тухай бүрт нь хүргэж байсан билээ.  Харин энэ удаад Ховд аймгийн хэмжээнд хуулийн байгууллагын нэгдсэн сургалттай холбоотой мэдээллийг хүргэх гэж байна. Ховд аймагт зохион байгуулж буй сургалт 3 дахь өдрөө үргэлжилж байгаа бөгөөд тус сургалтыг Улсын Ерөнхий прокурорын туслах прокурор, Дүн шинжилгээ, судалгаа, хяналт шалгалтын хэлтсийн дарга Б.Бат-Орших ахлагчтай ажлын хэсэг удирдан зохион байгуулж байгаа юм. Ховд аймгийн Засаг даргын Тамгын газрын хурлын танхимд зохион байгуулж байгаа тус  сургалтанд  аймгийн прокурорын газрын прокурор, прокурорын болон захиргааны чиг үүргийг хэрэгжүүлэхэд туслах ажилтнууд, Ховд аймаг дахь Сум дундын Эрүүгийн хэргийн анхан шатны шүүхийн шүүгч, шүүгчийн туслахууд, аймгийн Цагдаагийн газрын болон Шүүхийн шийдвэр гүйцэтгэх алба, Шүүх шинжилгээний алба, Гадаадын иргэн харъяатын газрын албан хаагчид, Мэргэжлийн хяналтын газрын улсын байцаагч нар, Гаалийн байцаагч нар, Өмгөөлөгчдийн холбооны өмгөөлөгчид зэрэг 194 албан хаагчид оролцож байна. Сургалтыг зохион байгуулж буй сургагч багш нарын баг бүрэлдэхүүний талаар товч танилцуулахад, ажлын хэсгийн ахлагчаар Улсын Ерөнхий прокурорын туслах прокурор, Дүн шинжилгээ, судалгаа, хяналт шалгалтын хэлтсийн дарга Б.Бат-Орших, УЕПГ-ын ГХЭЗХ-ийн хяналтын прокурор Б.Цэцэгмаа, ХСИС-ийн ЭШИГ-ын цагдаа судлалын төвийн дарга, доктор, цагдаагийн хошууч Б.Энхболд, ХСИС-ийн МАТ, цагдаагийн дэслэгч Э.Золбоо, ЦЕГ-ын МНБГ-ын ахлах мэргэжилтэн цагдаагийн хошууч Э.Болор-Эрдэнэ, ЦЕГ-ын УСХ-ийн ЧАМ, цагдаагийн дэд хурандаа Б.Батзориг, ГИХАГ-ын хяналтын улсын байцаагч Б.Өнөмөнх, Монголын хуульчдын холбооны гишүүн, өмгөөлөгч Б.Баярмагнай, ШШГЕГ-ын ДАБХШГ-ын хяналт шалгалт хариуцсан мэргэжилтэн ахмад Г.Баярхүү бүрэлдэхүүнтэй сургалтын баг 5 хоногийн хугацаанд шинэ хуулийн сургалтыг зохион байгуулж ажиллах юм байна.