ХУУЛЬЧДЫН ХОЛБООНЫ ЕРӨНХИЙЛӨГЧ Б.ГҮНБИЛЭГЭЭР АХЛУУЛСАН АЖЛЫН ХЭСЭГ ХОВД АЙМАГТ СУРГАЛТ ЗОХИОН БАЙГУУЛЖЭЭ

  1. 2017-06-23
  2. Архив,
  3. 583 уншсан
  4. 1 минут уншина
A- A A+
ХУУЛЬЧДЫН ХОЛБООНЫ ЕРӨНХИЙЛӨГЧ Б.ГҮНБИЛЭГЭЭР АХЛУУЛСАН АЖЛЫН ХЭСЭГ ХОВД АЙМАГТ СУРГАЛТ ЗОХИОН БАЙГУУЛЖЭЭ
Хуульчдын холбооны Ерөнхийлөгч Б.Гүнбилэгээр ахлуулсан ажлын хэсэг энэ сарын 21, 22-нд Ховд аймагт сургалт зохион байгуулж ажилласан байна. Сургалт зохион байгуулах ажлын хэсгийн бүрэлдэхүүнд Хуульчдын холбооны мэргэжлийн хариуцлагын хорооны дарга, Иргэний хэргийн давж заалдах шатны шүүхийн шүүгч нь Э.Золзаяа, Захиргааны хэргийн давж заалдах шатны шүүхийн шүүгч С.Мөнхжаргал, Сургалтын хорооны мэргэжилтэн Г.Санчир нар багтжээ. Тэд   сургалтын үеэр хуульчдын холбооны үйл ажиллагааг сурталчилах,холбооны удирдлагын тогтолцоо, бүтэц зохион байгуулалт, хуулиар хүлээсэн чиг үүрэг, тэдгээрийн хэрэгжилтийн талаар хуульчдад танилцуулж, саналыг сонсох, хуульчийн үргэлжилсэн сургалт зохион байгуулах зорилготойгоор орон нутагт ажилласан нь энэ ажээ. Ажлын хэсгийн үйл ажиллагаа хөтөлбөрт тусгагдсанаар Хуульчдын холбооны Ерөнхийлөгч Б.Гүнбилэг "Үндсэн хуулийн эрх зүй” сэдвээр, Хуульчдын холбооны мэргэжлийн хариуцлагын хорооны дарга, Иргэний хэргийн давж заалдах шатны шүүхийн шүүгч нь Э.Золзаяа "Иргэний хэрэг шүүхэд хянан шийдвэрлэх ажиллагаа”, "Өв залгамжлал, шүүхийн практик” сэдвээр, Захиргааны хэргийн давж заалдах шатны шүүхийн шүүгч С.Мөнхжаргал "Захиргааны хэрэг шүүхэд хянан шийдвэрлэх ажиллагаа” сэдвээр тус тус хичээл заасан байна. Сургалтад Ховд аймгийн Прокурорын газрын прокурор, хуульчийн гэрчилгээтэй туслах ажилтанууд идэвхитэй хамрагджээ. Мөн энэ үеэр Хуульчдын холбооны хөгжилд үнэтэй хувь нэмэр оруулсан хуульчдыг шагнаж урамшуулсан бөгөөд Аймгийн прокурор Нямаахүүгийн Доржсүрэн, Ховд аймгийн эрүү, иргэний хэргийн давж заалдах шатны шүүхийн Ерөнхий шүүгч Нямжавын Туяа, давж заалдах шатны шүүхийн шүүгч Бэгзийн Дамба, өмгөөлөгч Цэдэнгийн Даваасүрэн нар Хуульчдын холбооны "Хүндэт тэмдэг”-ээр шануулжээ.