ДАРХАН-УУЛ АЙМГИЙН ЭРҮҮГИЙН НӨХЦӨЛ БАЙДАЛ, ХУУЛЬ ТОГТООМЖИЙН ХЭРЭГЖИЛТИЙГ 2017 ОНЫ ЭХНИЙ ХАГАС ЖИЛИЙН БАЙДЛААР СУДАЛЖЭЭ

  1. 2017-07-20
  2. Архив,
  3. 578 уншсан
  4. 1 минут уншина
A- A A+
ДАРХАН-УУЛ АЙМГИЙН ЭРҮҮГИЙН НӨХЦӨЛ БАЙДАЛ, ХУУЛЬ ТОГТООМЖИЙН ХЭРЭГЖИЛТИЙГ 2017 ОНЫ ЭХНИЙ ХАГАС ЖИЛИЙН БАЙДЛААР СУДАЛЖЭЭ
Дархан-Уул аймгийн прокурорын газраас  Дархан-Уул аймгийн  эрүүгийн нөхцөл байдал, хууль тогтоомжийн хэрэгжилтийг 2017оны эхний хагас жилийн байдлаар судалжээ. Тодруулж хэлбэл, тус аймагт 2017 оны эхний хагас жилийн байдлаар  500 гэмт хэрэг  гарч,  хэрэг бүртгэлт, мөрдөн байцаалт явуулснаас нийт гэмт хэргийн  454 буюу  90,8 хувь нь аймгийн төвд, 22 буюу  4,4 хувь нь Шарын гол суманд,  6 буюу 1,2  хувь нь Орхон суманд,  18 буюу 3,6 хувь нь Хонгор суманд гарчээ. Хэргийн ангиллаар нь судалвал  хөнгөн хэрэг 203 буюу  40,6 хувь, хүндэвтэр хэрэг 237 буюу 47,4 хувь, хүнд хэрэг 40 буюу 8 хувь,  онц хүнд  гэмт хэрэг 20 буюу   4 хувийг эзэлж байна. Хэргийн төрлөөр нь судалвал  хүний амь насыг хохироосон  5 буюу 1 хувь,албан тушаалын эсрэг гэмт хэрэг  5 буюу 1 хувь, бусдын бие мах бодид гэмтэл учруулсан 131  буюу 26,2 хувь,  хүчингийн гэмт хэрэг   6 буюу 1,2 хувь, бусдын эд хөрөнгийг хулгайлах гэмт хэрэг 161  буюу 32.2  хувь, бусдын эд хөрөнгийг булаах гэмт хэрэг 2 буюу 0,4  хувь, бусдын эд хөрөнгийг дээрэмдэх гэмт хэрэг  16 буюу  3,2 хувь, бусдын эд хөрөнгийг залилан мэхлэж авах гэмт хэрэг 52 буюу 10,4 хувь, бусдын эд хөрөнгийг завших, үрэгдүүлэх гэмт хэрэг 16 буюу 3,2 хувь, танхайрах гэмт хэрэг 37 буюу 7,4 хувь, хөдөлмөр хамгаалал болон аюулгүй ажиллагааны журам зөрчих гэмт хэрэг 5 буюу 1 хувь, байгаль хамгаалах журмын эсрэг гэмт хэрэг  1  буюу 0,2 хувь, тээврийн хэрэгслийн хөдөлгөөний аюулгүй байдал, ашиглалтын эсрэг гэмт хэрэг 33 буюу  6,6 хувь, мансууруулах болон сэтгэцэд нөлөөлөх эм, бэлдмэл, бодисыг хууль бусаар бэлтгэж, олж авах, хадгалах, тээвэрлэх, илгээх, борлуулах гэмт хэрэг 2 буюу 0,4  бусад төрлийн гэмт хэрэг  28 буюу 5,6 хувийг тус тус эзэлжээ. Хэргийн шийдвэрлэлтээр нь судалвал нийт  хэрэгт хэрэг бүртгэлт, мөрдөн байцаалт явуулсан 500 хэргийн   174  хэрэгт прокурор яллах дүгнэлт бичиж шүүхэд шилжүүлснээс  186 хүн шийтгүүлж, 46  буюу 24,8 хувьд хорих ялыг биечлэн эдлүүлэхээр,  140 буюу 75,2 хувьд нь хорихоос өөр төрлийн ял оногдуулсан байна. Нийт гэмт хэргийг өмнөх оны мөн үетэй харьцуулбал 38-р буюу 7  хувиар буурсан, хөнгөн гэмт хэрэг  19-р буюу  8,5 хувь, хүндэвтэр гэмт хэрэг 18-р  буюу 7,1  хувь, хүнд гэмт хэрэг  2-р буюу  4,8 хувиар тус тус буурсан, харин  онц хүнд гэмт хэрэг  1-р буюу 5,3 хувиар өсчээ. Нийт гарсан гэмт хэргээс төрийн албан хаагчийн үйлдсэн гэмт хэрэг  28 буюу 5,6 хувийг,  насанд хүрээгүй хүүхдийн үйлдсэн гэмт хэрэг 9 буюу 1,8 хувийг тус тус эзлэж байх ба нийт гэмт хэрэгт холбогдсон 383 хүний 323 нь эрэгтэй, 60 нь эмэгтэй, 15 нь насанд хүрээгүй, 35 нь төрийн албан хаагч байна. Гэмт хэрэг гарсан шалтгаан нөхцөлийг судлахад 137 буюу  35,7 хувь нь ажилгүй,  70 буюу 18,2 хувь нь согтуугаар үйлдэгджээ. Тодорхой төрлийн  гэмт хэргийн шалтгаан нөхцөлийг арилгуулах, гэмт хэргээс урьдчилан сэргийлэх талаар удирдлага зохион байгуулалтын арга хэмжээ авахуулахаар  аймгийн гэмт хэргээс урьдчилан сэргийлэх ажлыг зохицуулах зөвлөлд    танилцуулга хүргүүлээд байна.