ТАРВАГАТАЙН НУРУУНЫ БАЙГАЛИЙН ЦОГЦОЛБОРТ ГАЗРЫН ХАМГААЛАЛТЫН ЗАХИРГААНЫ АЛБАН ХААГЧДАД СУРГАЛТ ЗОХИОН БАЙГУУЛЛАА

  1. 2017-07-24
  2. Архив,
  3. 508 уншсан
  4. 1 минут уншина
A- A A+
ТАРВАГАТАЙН НУРУУНЫ БАЙГАЛИЙН ЦОГЦОЛБОРТ ГАЗРЫН ХАМГААЛАЛТЫН ЗАХИРГААНЫ АЛБАН ХААГЧДАД СУРГАЛТ ЗОХИОН БАЙГУУЛЛАА
Завхан аймгийн Тосонцэнгэл сум дахь Сум дундын прокурорын газраас 2017 оны 07 дугаар сарын 01-ээс эхлэн Зөрчлийн тухай хууль, Зөрчлийн тухай хуулийг дагаж мөрдөх журмын тухай хууль, Зөрчил шалган шийдвэрлэх тухай хууль, Зөрчил шалган шийдвэрлэх тухай хуулийг дагаж мөрдөх журмын тухай хууль хэрэгжиж эхэлсэнтэй холбогдуулан  дээрх хуулийн хэрэгжилтийг нэг мөр хангуулахад анхаарч Тарвагатайн нурууны байгалийн цогцолборт газрын хамгаалалтын захиргааны албан хаагчдад сургалт зохион байгууллаа. Дээрх сургалтанд Тарвагатайн нурууны байгалийн цогцолборт газрын хамгаалалтын захиргааны дарга, зөрчлийн хэрэг бүртгэлт явуулах эрх бүхий албан тушаалтан болох улсын байцаагч, байгаль хамгаалагч нараас гадна захиргааны ажилтан нар хамрагдаж сургалтаар орсон сэдвийн хүрээнд харилцан ярилцлага өрнүүлэв.

Зөрчил шалган шийдвэрлэхэд анхаарах асуудалсэдэвт сургалтыг захиргааны зөрчлийн хэрэг бүртгэлтийн ажиллагаа явуулах эрх бүхий албан тушаалтнууд шинэчлэн батлагдсан "Зөрчил хянан шийдвэрлэх тухай хууль”-ийг хэрэгжүүлэн ажиллахад тэдний мэдлэг чадварыг дээшлүүлэх, чадавхижуулах, сахилга хариуцлагыг дээшлүүлэх зорилготойгоор зохион байгуулжээ. Эрх бүхий албан тушаалтнууд нь Зөрчил шалган шийдвэрлэх тухай хуулийн талаар тодорхой мэдлэгийг олж аван хуулийг хэрэгжүүлэхэд анхаарах зүйл, тулгамдаж байгаа асуудлын талаар харилцан санал солилцож шийдэлд хүрсэн нь давуу талтай үр дүнтэй ажил болсон байна. Сургалтанд оролцогчдоос хуулийг хэрэгжүүлэн ажиллах явцад гарсан хүндрэл бэрхшээл, тулгамдаж байгаа асуудлын талаарх баримтуудыг баримтжуулан нэгтгэж энэ талаар прокурорын газарт хандаж нэгдсэн шийдэлд хүрэх шат дараалсан сургалтуудыг авах талаар санал гаргажээ.