БАГАНУУР ДҮҮРГИЙН ПРОКУРОРЫН ГАЗРААС ЗӨРЧИЛ ШАЛГАХ ЭРХ БҮХИЙ 26 АЛБАН ТУШААЛТАНД СУРГАЛТ ЗОХИОН БАЙГУУЛАВ

  1. 2017-07-28
  2. Архив,
  3. 564 уншсан
  4. 1 минут уншина
A- A A+
БАГАНУУР ДҮҮРГИЙН ПРОКУРОРЫН ГАЗРААС ЗӨРЧИЛ ШАЛГАХ ЭРХ БҮХИЙ 26 АЛБАН ТУШААЛТАНД СУРГАЛТ ЗОХИОН БАЙГУУЛАВ
Багануур дүүргийн прокурорын газраас шинээр хэрэгжүүлж эхэлсэн Зөрчлийн тухай хууль, Зөрчил шалган шийдвэрлэх тухай хуулийн хэрэгжилт, хуулийг хэрэглэх талаар анхаарах асуудлуудлын талаар өчигдөр тус дүүрэг дэх Мэргэжлийн хяналтын хэлтэс, Татварын хэлтэс, Эрүүл мэнд, нийгмийн даатгалын хэлтэс, Онцгой байдлын хэлтэс, Багануур дүүрэг дэх шийдвэр гүйцэтгэлийн хэсгийн ахлах шийдвэр гүйцэтгэгч, Улсын бүртгэлийн хэлтэс гэсэн 6 байгууллагын зөрчил хянан шалгах эрх бүхий 26 албан тушаалтнуудад "Зөрчил шалган шийдвэрлэх ажиллагаа явуулах үндэслэл, зөрчил шалган шийдвэрлэх ажиллагааны харьяалал, зөрчил шалгах тодорхой ажиллагаа явуулах журам, зөрчил шалган шийдвэрлэх ажиллагааны оролцогч” сэдвээр сургалт явуулжээ. Сургалтыг Багануур дүүргийн прокурорын газрын Ерөнхий прокурор Б.Пүрэвжав, хяналтын прокурор Х.Эрдэнэтуяа, Б.Буяндэлгэр нар зохион байгуулсан байна.  

Сургалтын явцад оролцогчдоос гаргасан хуулийн хэрэгжилтийн талаарх  асуулт, ойлголтод хариулт өгч зөрчил шалган шийдвэрлэх эрх бүхий албан тушаалтнуудаас гаргах эрх зүйн хэлбэр буюу тэмдэглэл, тогтоол, санал, тайлбар, хүсэлтүүдийг Улсын Ерөнхий прокуророос баталсан загварын дагуу үйлдэж хэвших, цаашид хуулийн хэрэгжилтэд анхаарах, шаардлагатай чиглэлээр сургалт өгөх талаар дээрх байгууллагуудын удирдлагуудад дүүргийн прокурорын газрын Ерөнхий прокурорын албан бичиг хүргүүлжээ.