БАЯНЗҮРХ ДҮҮРГИЙН ПРОКУРОРЫН ГАЗРААС ЭРХ БҮХИЙ АЛБАН ТУШААЛТНУУДАД СУРГАЛТ ЗОХИОН БАЙГУУЛАВ

  1. 2017-08-01
  2. Архив,
  3. 990 уншсан
  4. 1 минут уншина
A- A A+
БАЯНЗҮРХ ДҮҮРГИЙН ПРОКУРОРЫН ГАЗРААС ЭРХ БҮХИЙ АЛБАН ТУШААЛТНУУДАД СУРГАЛТ ЗОХИОН БАЙГУУЛАВ
Баянзүрх дүүргийн прокурорын газраас 2017оны 07 дугаар сарын 01-ний өдрөөс хэрэгжиж эхэлсэн Зөрчлийн тухай хууль, Зөрчил шалган шийдвэрлэх тухай  хуулиудыг нэг мөр зөв хэрэглэх,  анхаарах асуудлуудын талаар тус дүүрэг дэх Цагдаагийн 1,2,3 дугаар хэлтэс, Замын  цагдаагийн хэлтсийн нийт зөрчил шалган шийдвэрлэх эрх бүхий  алба хаагчдыг  хамруулан дүүргийн прокурорын газрын ахлах  прокурор Б.Чинбат, хяналтын прокурор С.Уянга  нар зохион байгуулсан байна.  Сургалтын явцад оролцогчдоос гаргасан хуулийн хэрэгжилтийн талаарх  асуултанд хариулт өгч, зөрчил шалган шийдвэрлэх эрх бүхий албан тушаалтнуудаас гаргах эрх зүйн хэлбэр буюу тэмдэглэл, тогтоол, санал, тайлбар, хүсэлтүүдийг Улсын Ерөнхий прокуророос баталсан загварын дагуу үйлдэж хэвших, цаашид хуулийг нэг мөр хэрэгжүүлэхэд анхаарч, түүнийг шийдвэрлэх талаар санал солилцжээ.

Тус прокурорын газраас зөрчлийн хэрэг бүртгэлт явуулах эрх бүхий албан тушаалтнуудыг сургалтанд хамруулах үйл ажиллагааг дараа өдөр нь үргэлжлүүлэн Мэргэжлийн хяналтын хэлтэс, Татварын хэлтэс, Эрүүл мэнд, нийгмийн даатгалын хэлтэс, Улсын бүртгэлийн хэлтэс, Баянзүрх дүүргийн статистикийн  хэлтэс, Санхүү төрийн санийн хэлтсийн эрх бүхий албан тушаалтнуудад сургалт, ярилцлага зохион байгуулжээ. Сургалтаар 2017 оны 07 сарын 01-ний өдрөөс эхлэн шинээр хүчин төгөлдөр хэрэгжсэн Зөрчлийн тухай хууль, түүгээр зохицуулагдсан зөрчил түүний хугацаа, шийтгэл, албадлагын арга хэмжээний төрөл болон Зөрчил шалган шийдвэрлэх тухай хууль, түүгээр батлагдсан зөрчлийн хугацаа тоолох аргачлал, зөрчил шалган шийдвэрлэх ажиллагааны харъяалал, гомдол, хүсэлт гаргах, зөрчил шалган шийдвэрлэх ажиллагааг хэрэгжүүлэх, түүнд оролцогчийн эрх үүргийн талаар сургалтыг явуулсан байна. Мөн Улсын Ерөнхий прокурорын баталсан 2017 оны А/54, А/56, А/75 дугаартай тушаал, ХЗДХС, СС, УЕП-ын хамтран баталсан 2017 оны А/71,235,А/176 дугаар тушаал, УЕП, ХЗДХС-ын хамтран баталсан А/79,А/174 дугаар тушаал зэргийг танилцуулсан байна.