УЕПГ-ААС “60 ТЭРБУМ”, “МОНГОЛЫН ТӨМӨР ЗАМ”, “ОФФШОР ДАНС”, “ШАДАР САЙД У.ХҮРЭЛСҮХИЙГ ХУУЛЬ БУСААР МӨРДСӨН” ГЭХ ХЭРГҮҮДИЙН ШАЛГАЛТЫН АЖИЛЛАГААТАЙ ТАНИЛЦАЖ, ҮҮРЭГ ЧИГЛЭЛ ӨГӨВ

Улсын Ерөнхий прокурорын газраас Нийслэлийн прокурорын газрын ерөнхий прокурорыг байлцуулан, прокурорын шийдвэрээр байгуулагдсан мөрдөн шалгах байгууллагуудын мөрдөгчдийн хамтарсан ажлын хэсэг шалгаж буй "60 тэрбум”, "Монголын төмөр зам”, "Оффшор данс”, "Шадар сайд У.Хүрэлсүхийг хууль бусаар мөрдсөн” гэх хэргүүдийн хэрэг бүртгэлт, мөрдөн байцаалтын явц байдлыг ажлын хэсгийн ахлагч болон мөрдөгчдөөс танилцаад, шалгалтын ажиллагааг шуурхайлах талаар тодорхой үүрэг чиглэл өглөө.