ШИНЭЭР БАТЛАГДСАН ХУУЛИУДЫГ ЭРХ БҮХИЙ АЛБАН ТУШААЛТНУУД ХЭРХЭН ХЭРЭГЖҮҮЛЖ БАЙГААГ ШАЛГАЖЭЭ

  1. 2017-09-07
  2. Архив,
  3. 884 уншсан
  4. 1 минут уншина
A- A A+
ШИНЭЭР БАТЛАГДСАН ХУУЛИУДЫГ ЭРХ БҮХИЙ АЛБАН ТУШААЛТНУУД ХЭРХЭН ХЭРЭГЖҮҮЛЖ БАЙГААГ ШАЛГАЖЭЭ
 Нийслэлийн Багануур дүүргийн прокурорын газраас гуравдугаар улиралд хийх ажлын төлөвлөгөөнд тусгагдсаны дагуу Эрүүгийн хууль, Эрүүгийн хэрэг хянан шийдвэрлэх тухай хууль, Зөрчлийн тухай хууль, Зөрчил шалган шийдвэрлэх тухай хуулиудыг хэрэгжүүлэхтэй холбоотой Улсын Ерөнхий прокурорын газраас баталсан эрх зүйн хэлбэрүүдийг эрх бүхий албан тушаалтнууд хэрхэн хэрэгжүүлж байгааг шалгасан байна. Шалгалтаар хэрэг бүртгэлтийн хэрэг нээсэн тогтоол, эрүүгийн хэрэг үүсгэж яллагдагчаар татах тухай санал, хэрэг бүртгэлт, мөрдөн байцаалтын хугацаа сунгах мөрдөгчийн   санал, хэрэг бүртгэлтийн хэргийг хаасан хэрэг,   зөрчлийн хэрэг, хялбаршуулсан журмаар зөрчил шалган шийдвэрлэх ажиллагааны хүрээнд шийдсэн зөрчлийн материалыг шалгалтад хамруулж эрх зүйн хэлбэрийн хууль зүйн үндэслэлд дүгнэлт хийжээ. Дээрх шалгалтын хүрээнд илэрсэн зөрчил дутагдал, анхаарах асуудлын талаар дүүргийн цагдаагийн хэлтсийн хэрэг бүртгэгч, мөрдөгч, хэсгийн байцаагч, хорооны цагдаа нарт "Тогтоол, санал, тэмдэглэлийн хууль зүйн үндэслэл” сэдвээр 2 цагийн сургалтыг явуулсан байна.  Хууль хэрэгжүүлэх явцад гаргасан зөрчлүүдийн шалтгаан нь хэрэг бүртгэгч, мөрдөн байцаагч нарыг мэргэжлийн удирдлагаар хангаагүй, мөрдөн шалгах ажиллагаа явуулах албаны дарга нь хуулиар олгогдсон эрх хэмжээгээ хэрэгжүүлээгүйтэй шууд холбоотой гэж дүгнээд удирдлага зохион байгуулалтын тодорхой арга хэмжээ авахуулахаар прокурорын шаардлага бичжээ.