ӨМНӨГОВЬ АЙМГИЙН ПРОКУРОРЫН ГАЗАР ХАМТАРСАН ЗӨВЛӨГӨӨН ЗОХИОН БАЙГУУЛАВ

  1. 2017-09-11
  2. Архив,
  3. 664 уншсан
  4. 1 минут уншина
A- A A+
ӨМНӨГОВЬ АЙМГИЙН ПРОКУРОРЫН ГАЗАР ХАМТАРСАН ЗӨВЛӨГӨӨН ЗОХИОН БАЙГУУЛАВ
Өмнөговь аймгийн прокурорын газар энэ сарын 05-ны өдөраймгийнхаа Цагдаагийн газрын мөрдөн байцаах тасаг, эрүүгийн цагдаагийн тасагтай хамтарсанзөвлөгөөн зохион байгуулжээ. Тус зөвлөгөөнд аймгийн ерөнхийпрокурорын орлогч Т.Нансалмаа, хяналтын прокурорууд, Өмнөговь аймаг дахь Цагдаагийн газрын дэд бөгөөд эрүүгийн цагдаагийн тасгийн дарга, цагдаагийн хошууч С.Төрмөнх, мөрдөн байцаах тасгийн дарга, дэд хурандаа Б.Батсүх болон албаны нийт бие бүрэлдэхүүн оролцсон байна. Зөвлөгөөнөөр 9 дүгээр сард шийдвэрлэх хэргийн график гаргаж,  Улсын Ерөнхий прокурорын 2017 оны 08 дугаар сарын 22-ны өдрийн А/96 дугаартай тушаалыг товч танилцуулан, Эрүүгийн хэрэг хянан шийдвэрлэх тухай хууль хэрэгжүүлэхэд гарч буй хүндрэл бэрхшээл, зөрчил дутагдлын талаар санал бодлоо солилцож цаашид анхаарах асуудлын талаар үүрэг чиглэл өгчээ.  Зөвлөгөөнөөс мөрдөн байцаалтын ажиллагаа удаашран шалгагдаж буй хэргүүдийг шийдвэрлэх, 10 дугаар сард графикт орсон хэргийн шийдвэрлэлтийн биелэлт үр дүнг тооцох, Мөрдөн шалгах ажиллагаанд тавих прокурорын хяналтын ажлын аргачилсан заавраар сургалт зохион байгуулахаар тогтсон байна.