БАЯНГОЛ ДҮҮРГИЙН ПРОКУРОРУУД ЦАГДААГИЙН АЛБАН ХААГЧДАД СУРГАЛТ ЗОХИОН БАЙГУУЛАВ

  1. 2017-09-18
  2. Архив,
  3. 728 уншсан
  4. 1 минут уншина
A- A A+
БАЯНГОЛ ДҮҮРГИЙН ПРОКУРОРУУД ЦАГДААГИЙН АЛБАН ХААГЧДАД СУРГАЛТ ЗОХИОН БАЙГУУЛАВ
Баянгол дүүргийн прокурорын газраас тус дүүргийн Цагдаагийн 1 дүгээр хэлтсийн Эрүүгийн цагдаагийн тасаг, Мөрдөн байцаах тасаг, Цагдаагийн 2 дугаар хэлтсийн Мөрдөн байцаах тасгийн нийт албан хаагчдад  хялбаршуулсан журмаар хэрэг хянан шийдвэрлэх хэргийн төрөл, Эрүүгийн хэрэг хянан шийдвэрлэх тухай хуулийн 17.5 дугаар зүйлд заасан гэмт хэргүүдэд заасан ял шийтгэлийн төрлүүд, хялбаршуулсан журмаар хэрэг шалгах хугацаа, яллагдагчийн хүсэлтэд тусгагдвал зохих зүйлүүд болон дээрх хэрэгт нотлох баримтуудыг хэрхэн цуглуулж, бэхжүүлэх онцлог зэргийн талаар 3 цагийн сургалт зохион байгуулжээ. Тус  дүүргийн ерөнхий прокурорын орлогч Т.Мөнхжаргал, Хэрэг бүртгэх, мөрдөн байцаах ажиллагаанд хяналт тавих 2 дугаар хэлтсийн дарга Б.Долгион нар шинэчлэн найруулсан Эрүүгийн хууль, Эрүүгийн хэрэг хянан шийдвэрлэх тухай хууль болон Улсын Ерөнхий прокурорын 2017 оны 8 дугаар сарын 22-ны өдрийн А/96 дугаартай тушаалаар батлагдсан "Мөрдөн шалгах ажиллагаанд тавих прокурорын хяналтын ажлын аргачилсан заавар”-ыг хэрэгжүүлэх явцад гарч байгаа хүндрэл, бэрхшээлтэй асуудлуудын талаар,  тухайлбал: Эрүүгийн цагдаагийн тасгийн мөрдөгч нараас хэргийн талаар нотолбол зохих асуудлуудыг хэрхэн шалгаж тогтоох, хэрэг бүртгэлт явуулж байгаа хэргүүдээс яллагдагчаар татагдсан эзэн холбогдогчтой хэргүүдийг мөрдөн байцаах тасагт шилжүүлэх асуудлын талаар мөрдөн байцаах тасгийн дарга, эрүүгийн цагдаагийн тасгийн ахлах мөрдөгч, мөрдөгч нарт үүрэг, чиглэл өгч учирч буй  асуудлуудын талаар харилцан ярилцан гаргасан саналыг хүлээн авч ажиллажээ. Цагдаагийн хэлтсийн мөрдөгч нараас эрүүгийн хэрэг хянан шийдвэрлэх ажиллагааны явцад мөрдөгч хэрэг бүртгэлтийн хэрэг нээж  мөрдөн шалгах ажиллагаа явуулах үед сэжигтэнд таслан сэргийлэх арга хэмжээ авч болохгүй учраас дуудсан цагт ирэхгүй саад учруулж байна, Эрүүгийн цагдаагийн тасгийн болон Мөрдөн байцаах тасгийн мөрдөгч нар нь Зөрчлийн хуульд заасан гомдол, мэдээллүүдийг хүлээн авч зөрчлийн хэрэг нээж материалжуулан шалгаж, шийдвэрлэж байгаа нь хэрэг бүртгэлт, мөрдөн шалгах ажиллагаа явуулж байгаа хэргүүдийг түргэн шуурхай, бүрэн бодитой явуулахад саад болж байгаа зэрэг санал хүсэлтүүдийг гаргасан байна.