“МӨРДӨН ШАЛГАХ АЖИЛЛАГААНД ТАВИХ ПРОКУРОРЫН ХЯНАЛТЫН АЖЛЫН АРГАЧИЛСАН ЗААВАР”-ЫН ТАЛААР СУРГАЛТ ЗОХИОН БАЙГУУЛЖЭЭ

  1. 2017-09-20
  2. Архив,
  3. 1322 уншсан
  4. 1 минут уншина
A- A A+
“МӨРДӨН ШАЛГАХ АЖИЛЛАГААНД ТАВИХ ПРОКУРОРЫН ХЯНАЛТЫН АЖЛЫН АРГАЧИЛСАН ЗААВАР”-ЫН ТАЛААР СУРГАЛТ ЗОХИОН БАЙГУУЛЖЭЭ
Орхон аймгийн прокурорын газраас аймгийнхаа Цагдаагийн газрын Эрүүгийн цагдаагийн тасаг, Мөрдөн байцаах тасгийн мөрдөгч нарт "Мөрдөн шалгах ажиллагаанд тавих прокурорын хяналтын ажлын аргачилсан заавар”-ын талаар сургалт зохион байгуулжээ. Сургалтаар "Авлигатай тэмцэх газар, Тагнуулын болон Цагдаагийн Ерөнхий газрын Мөрдөн байцаах алба, Эрүүгийн цагдаагийн алба, Замын цагдаагийн алба, Нийслэлийн цагдаагийн газар, Төмөр зам дахь Цагдаагийн газар, Иргэний агаарын тээвэр дэх Цагдаагийн хэлтсээс гэмт хэргийн талаарх гомдол, мэдээлэл, гэмт хэргийг шалгах, түүнд прокурор хяналт тавих харьяалал”, "Эрүүгийн хэрэгт хөрөнгө, орлого, барьцааны мөнгө, эд мөрийн баримт, эд зүйлийг хураан авах, бэхжүүлэх, хүлээн авах, хадгалах, хамгаалах, шилжүүлэх, шийдвэрлэх журам” зэрэг сэдвээр хичээл заажээ.  Сургалтаар гэмт хэргийн талаарх гомдол, мэдээлэл болон хэргийг шалгах харьяалал, журамд заасны дагуу эд мөрийн баримт барьцаа, хөрөнгийг хэрхэн хүлээн авах, шийдвэрлэх, зааварт заасан тусгайлсан зохицуулалтын талаар харилцан ойлголцсон үр дүнтэй сургалт болсон байна.