ПРОКУРОР, МӨРДӨГЧ НАРЫН ЭЭЛЖИТ ХАМТАРСАН ЗӨВЛӨГӨӨН БОЛЖЭЭ

  1. 2017-09-21
  2. Архив,
  3. 550 уншсан
  4. 1 минут уншина
A- A A+
ПРОКУРОР, МӨРДӨГЧ НАРЫН ЭЭЛЖИТ ХАМТАРСАН ЗӨВЛӨГӨӨН БОЛЖЭЭ
Ховд аймгийн Булган сум дахь Сум дундын прокурорын газраас  энэ сарын 18-ны өдөр прокурор, мөрдөгч нарын ээлжит хамтарсан зөвлөгөөнийг зохион байгуулсан байна. Зөвлөгөөнд тус прокурорын газрын прокурорууд болон Ховд аймгийн Булган сум дахь Сум дундын цагдаагийн хэлтсийн мөрдөгчид, Үенч, Цэцэг, Мөст сумдын хэсгийн төлөөлөгч нар оролцжээ. Зөвлөгөөнөөр Сум дундын Цагдаагийн хэлтэст шалгагдаж байгаа гэмт хэрэг, зөрчлийн шинжтэй гомдол, мэдээллийн шийдвэрлэлт, хэрэг бүртгэлт, мөрдөн байцаалтын шатанд шалгагдаж байгаа эрүүгийн хэргүүдийн хэрэг бүртгэлт, мөрдөн байцаалтын ажиллагаанд тулгамдаж буй хүндрэл бэрхшээл, түүнийг шийдвэрлэх арга замын талаар ярилцсан байна. Мөн шинээр батлагдан хэрэгжиж байгаа эрүүгийн хууль, эрүүгийн хэрэг хянан шийдвэрлэх тухай хууль, зөрчлийн тухай хууль, зөрчил шалган шийдвэрлэх тухай хуулиудыг дагаж мөрдөхөд тулгарч буй зарим асуудлын талаар болон сэргээн шалгаж байгаа хэрэг бүртгэлтийн хэргүүдийн ажиллагааны талаар тус тус харилцан ярилцжээ.