ГЭР БҮЛИЙН ХҮЧИРХИЙЛЭЛТЭЙ ТЭМЦЭХ ТУХАЙ ХУУЛИЙГ ИРГЭДЭД СУРТАЛЧЛАН ТАНИЛЦУУЛАХ АЖЛЫГ ЗОХИОН БАЙГУУЛАВ

  1. 2017-09-27
  2. Архив,
  3. 622 уншсан
  4. 1 минут уншина
A- A A+
ГЭР БҮЛИЙН ХҮЧИРХИЙЛЭЛТЭЙ ТЭМЦЭХ ТУХАЙ ХУУЛИЙГ ИРГЭДЭД СУРТАЛЧЛАН ТАНИЛЦУУЛАХ АЖЛЫГ ЗОХИОН БАЙГУУЛАВ
Сэлэнгэ аймгийн Мандал сумын гэмт хэргээс урьдчилан сэргийлэх салбар зөвлөлөөс зохион байгуулсан нээлттэй хаалганы өдөрлөгт, тус сумын Сум дундын прокурорын газар, Цагдаагийн хэлтэс, Онцгой байдлын хэлтэс, шүүх, өмгөөллийн болон бусад байгууллага оролцжээ. Тус нээлттэй хаалганы өдөрлөгөөр Сэлэнгэ аймгийн Мандал дахь  Сум дундын прокурорын газраас байгууллагынхаа үйл ажиллагааг олон нийтэд ил тод байлгах, шинээр батлагдсан хуулиудыг олон нийтэд сурталчлан таниулсан байна. Тодруулж хэлбэл, иргэдэд  шинээр батлагдсан Эрүүгийн хууль, Эрүүгийн хэрэг хянан шийдвэрлэх тухай хууль, зөрчлийн тухай хууль, зөрчил шалган шийдвэрлэх тухай хууль, Прокурорын тухай хууль, Гэр бүлийн хүчирхийлэлтэй тэмцэх тухай хуулиудыг сурталчлан таниулж, гарын авлага, танилцуулга материал тарааж, иргэдийн санал хүсэлтийг хүлээн авч ажиллажээ. Мөн өдөрлөгийн үеэр Сум дундын прокурорын газрын хяналтын прокурор Э.Энхбат гэмт хэргээс урьдчилан сэргийлэх ажлын хүрээнд "Миний монгол” телевизэд ярилцлага өгч, өдөрлөгийн арга хэмжээг сурталчилж ажилласан байна.