ИРГЭДЭЭС “ГЭР БҮЛИЙН ХҮЧИРХИЙЛЛИЙН ТУХАЙ ОЙЛГОЛТ”-ЫН ТАЛААР 6 АСУУЛТТАЙ СОРИЛ АВЧЭЭ

  1. 2017-10-03
  2. Архив,
  3. 542 уншсан
  4. 1 минут уншина
A- A A+
ИРГЭДЭЭС “ГЭР БҮЛИЙН ХҮЧИРХИЙЛЛИЙН ТУХАЙ ОЙЛГОЛТ”-ЫН ТАЛААР 6 АСУУЛТТАЙ СОРИЛ АВЧЭЭ
Гэр бүл гэдэг нь нийгмийн анхдагч нэгж бөгөөд гэр бүлийн тогтвортой байдлаас Улс эх орны хөгжил ихээхэн хамаардаг. Сүүлийн жилүүдэд гэр бүл салалт, архидалт, хүүхдийн хүчирхийлэл нилээдгүй яригдах болсон. Тиймээс "Гэр бүлийн хүчирхийлэлтэй тэмцэх тухай хууль тогтоомж"-ийн талаар иргэддээ сурталчилан таниулах, ойлголт өгөх зорилгоор Чингэлтэй дүүргийн прокурорын газраас өчигдөр Good Neighbors Олон Улсын  байгууллагатай хамтран "Зөв гэр бүлээс зөв хүүхэд” нэртэй сургалтыг зохион байгуулжээ. Тус сургалтанд Чингэлтэй дүүргийн 16 дугаар хорооны 55 иргэн болон Иргэдийн нийтийн хурлын дарга Н. Сэргэлэн, тус хорооны Засаг дарга Т.Идэрцагаан нар оролцсон байна.

Дээрх сургалтыг эхлэхээс өмнө нийт 20 иргэнээс "Гэр бүлийн хүчирхийллийн тухай ойлголт”-ын талаар 6 асуулттай сорил авахад нийт иргэд "Гэр бүлийн хүчирхийлэл гэж Сэтгэл санаа, Бэлгийн, Бие махбодид дарамт учируулах зэрэг ойлголтыг хэлдэг” гэж хариулсан бол 20 иргэнээс 1 иргэн нь гэр бүлийн хүчирхийлэлийн талаар бусдад мэдээллэж байсан гэж хариулжээ. Харин судалгаанд оролцсон нийт иргэд гэр бүлийн хүчирхийлэлд өртөж байгаагүй гэж хариулсан байна.  Үүнээс дүгнэн үзэхэд иргэд гэр бүлийн хүчирхийлэл гэж юуг ойлгох талаар хангалттай мэдээлэл авч чадаагүй, хүчирхийлэлд өртсөн болон өртөж магадгүй эрсдэлд байгаа талаар тодорхой ойлголт өгөх, хэнд хандах, хэрхэн урьдчилан сэргийлж өөрийн ойр дотны хүний эрүүл мэнд, амь насыг аврах талаар тус дүүргийн прокурорын газрын хяналтын прокурор Д.Энх-Оргил "Гэр бүлийн хүчирхийлэл, түүний ойлголт, үйлдэгдэх хэлбэр” сэдэвт сургалт оржээ. Харин Good Neighbors ОУБ-ын хүүхдийн сургагч багш нар "Хүүхдийн сэтгэл зүй, тэдэнтэй харилцах арга зүй"-н талаар залуу эцэг эхчүүдэд зөвлөгөө зөвлөмж өгч ажилласан байна.

Тус сургалтын дараагаар хүрэлцэн ирсэн иргэд нь хүчирхийлэл гэж юу болох, хүчирхийлэлд өртсөн болон хүчирхийлэлд байгаа хүний талаар хэнд хандаж зөвлөгөө авах, тусламж хүсэх талаар тодорхой хэмжээний ойлголттой болжээ.