“ИРГЭДЭЭ СОНСЪЁ” УРИАН ДОР СУМ, БАГИЙН ИРГЭДТЭЙ УУЛЗАЛТ, ЯРИЛЦЛАГА ЗОХИОН БАЙГУУЛЖЭЭ

  1. 2017-10-04
  2. Архив,
  3. 536 уншсан
  4. 1 минут уншина
A- A A+
“ИРГЭДЭЭ СОНСЪЁ” УРИАН ДОР СУМ, БАГИЙН ИРГЭДТЭЙ УУЛЗАЛТ, ЯРИЛЦЛАГА ЗОХИОН БАЙГУУЛЖЭЭ
Дорноговь аймгийн прокурорын газраас аймгийн Гэмт хэргээс урьдчилан сэргийлэх ажлыг зохицуулах салбар зөвлөлтэй хамтран тус аймгийн Хөвсгөл, Хатанбулаг, Улаанбадрах сум, Ханги Мандлын хилийн боомт, Зүүнбаян багийн иргэдэд "Иргэдээ сонсъё” уриан дор 2017 оны 07 дугаар сарын 01-ний өдрөөс хэрэгжиж эхэлсэн шинэ хууль тогтоомжийг сурталчлах, иргэдтэй уулзалт, ярилцлага зохион байгуулжээ. Тус аймгийн прокурорын газрын ерөнхий прокурор С.Цэрэнсамбуу "Прокурорын байгууллагын үйл ажиллагааг олон нийтэд хүргэх, 2017 онд хийж гүйцэтгэсэн ажил, аймгийн хэмжээний эрүүгийн нөхцөл байдал, гэмт хэргийн гаралт болон түүний шалтгаан нөхцөл, цаашид авч хэрэгжүүлэх ажил”-ын талаар мэдээлэл хийжээ. Мөн тэрээр сумдын зөрчил шалган шийдвэрлэх эрх бүхий албан тушаалтан улсын байцаагч нартай биечлэн уулзаж шинээр мөрдөгдөж буй зөрчлийн болон зөрчил шалган шийдвэрлэх тухай хуулийг хэрхэн хэрэгжүүлж байгаа байдал, тулгарч буй хүндрэл бэрхшээлийн талаар санал бодлыг сонсож, хуулийг нэг мөр хэрэгжүүлж ажиллах талаар үүрэг чиглэл, зөвлөгөө өгчсөн байна. Дээрх уулзалт ярилцлаганд Хөвсгөл сумын 68, Хатанбулаг сумын 85, Улаанбадрах сумын 57, Улаанбадрах сумын Баянбогд багийн 32, Зүүнбаян багийн 95,  нийт 337 иргэд, төрийн албан хаагчид оролцсон бөгөөд тэдэнд шинэ хууль тогтоомж, гэмт хэрэг, осол, зөрчлөөс урьдчилан сэргийлэх 10 гаруй төрлийн 350 ширхэг гарын авлага, сурталчилгааны материалыг тарааснаар шинээр гарсан хууль тогтоомжуудыг сурталчлах ажлыг эрчимжүүлж, урьдчилан сэргийлэх ажилд иргэд олон нийтийг эрх зүйн мэдээ мэдээллээр хангасан ач холбогдолтой ажил болсон байна.