“ГАЛ УНТРААХ ТАРХАЛТ”-ЫН СУРГУУЛИЛТЫГ ОНЦГОЙ БАЙДЛЫН ГАЗАРТАЙ ХАМТРАН ЗОХИОН БАЙГУУЛАВ

  1. 2017-10-05
  2. Архив,
  3. 1058 уншсан
  4. 1 минут уншина
A- A A+
“ГАЛ УНТРААХ ТАРХАЛТ”-ЫН СУРГУУЛИЛТЫГ ОНЦГОЙ БАЙДЛЫН ГАЗАРТАЙ ХАМТРАН ЗОХИОН БАЙГУУЛАВ
Булган аймгийн прокурорын газраас аймгийнхаа Онцгой байдлын газартай  хамтран "Прокурорын газрын байр болон түүний гадна орчинд онцгой байдал үүссэн, болзошгүй үед ажиллах бэлтгэл сургуулилт”-ыг хийжээ. Үүний үр дүнд Аймгийн ерөнхий прокурорын 2017 оны 09 дүгээр сарын  27-ны өдрийн А/15 тоот тушаалаар Гарч болзошгүй гал түймрийн аюулаас урьдчилан сэргийлэх хүн хүч, техник хэрэгслийг дайчлан ажиллах” комиссын бүрэлдэхүүнийг томилж, шуурхай төлөвлөгөөг боловсруулан ажилласан байна. Энэ үеэр Онцгой байдлын газрын Гал унтраах 20 дугаар ангийн салааны захирагч, дэслэгч Ц.Батхуяг "Галын аюулгүй байдлын тухай хууль”, "Гал түймрээс урьдчилан сэргийлэхэд анхаарах асуудлууд” болон прокурорын газрын байр, түүний гадна орчинд гал гарсан үед ажиллах бэлтгэл сургуулилтад шуурхай төлөвлөгөөний дагуу хэрхэн зохион байгуулалттай оролцох талаар танхимын сургалт зохион байгуулжээ. Мөн гал түймрийн улсын хяналтын байцаагч, ахлах дэслэгч Х.Чинзориг "гал унтараагуурыг хэрхэн ашиглах, хадгалалт, хамгаалалтын горим, хөдөлмөр, хамгааллын аюулгүй байдлыг хэрхэн хангаж ажиллах” талаар практик зохион байгуулж, мэргэжил арга зүйн зөвлөгөө өгсөн байна. Гал унтраах тархалтын сургуулилтад аймгийн прокурорын газрын нийт хамт олон бүрэн бүрэлдэхүүнээрээ оролцож, сургуулилтын үеэр Гал унтраах аврах 20 дугаар ангийн захирагчийг түр орлон гүйцэтгэгч, ахлах дэслэгч С.Зоригтбаатарын заавраар ажиллаж гал гарсан үед гал унтраалгуудаар галыг хэрхэн унтрааж болох талаар дадлага сургуулилт хийжээ. Дадлага сургуулилтын зорилго нь "Галын аюулгүй байдлын тухай” хууль тогтоомжийг хэрэгжүүлэн ажиллах, тохиолдож болзошгүй гамшиг осол, гал түймэр гарсан үед тухайн аймгийн ерөнхий прокурорын тушаалаар томилогдсон комиссын бүрэлдэхүүн, эмнэлгийн анхан шатны тусламж үзүүлэх, нэрвэгдэгсдийг зөөх- аврах, гал унтраах үйл ажиллагаанд дэмжлэг үзүүлэх, анхан шатны багаж хэрэгсэлтэй оролцох хэсгийн үүрэг оролцоог тодорхойлж, гал гарсан үед хохирол багатай унтраах, урьдчилан сэргийлэх, прокурор, ажилтнуудын гал унтраах үйл ажиллагааны тархалт хийх ур чадварыг дээшлүүлэх, гал унтраах анхан шатны багаж хэрэгслийг ажиллуулан харьцаж сургахад чиглэгдсэн үзүүлэх сургалт болсон байна.