ӨМНӨГОВЬ АЙМГИЙН ПРОКУРОРЫН ГАЗРААС ДАЛАНЗАДГАД СУМЫН ЗАСАГ ДАРГАД ШААРДЛАГА ХҮРГҮҮЛЖЭЭ

  1. 2017-10-09
  2. Архив,
  3. 701 уншсан
  4. 1 минут уншина
A- A A+
ӨМНӨГОВЬ АЙМГИЙН ПРОКУРОРЫН ГАЗРААС ДАЛАНЗАДГАД СУМЫН ЗАСАГ ДАРГАД ШААРДЛАГА ХҮРГҮҮЛЖЭЭ
 Өмнөговь аймгийн Прокурорын газраас Даланзадгад сумын Засаг даргын дэргэдэх захиргааны зөвлөл нь захиргааны журмаар хураагдсан эд зүйлийг хууль, журамд заасны дагуу шийдвэрлэж байгаа эсэхийг 2017 оны 1-8 дугаар сар хүртэлх байдлаар шалгажээ. Шалгалт хийхдээ захиргааны журмаар хураагдсан эд зүйлийг хүлээн авсан бүртгэл, эд зүйлийг хадгалах, устгах, худалдан борлуулах ажиллагаа явуулсан материалыг хянах зэрэг хэлбэрээр шалгасан байна. Шалгалтаар Даланзадгад сумын Засаг даргын дэргэдэх тус зөвлөл нь Сангийн сайд, Цагдаагийн ерөнхий газрын даргын 1995 оны 181/252 дугаар тушаалаар баталсан "Захиргааны журмаар эд зүйл хураах, улсын орлого болгох,устгах үйл ажиллагаанд хяналт тавьж, хэрэгжилтийг хагуулах үүрэг бүхий орон тооны бус зөвлөл”-ийн ажиллах журмын 12-т "Зөвлөл нь сард нэгээс доошгүй удаа хуралдана гэсэн заалтыг тус  зөвлөл хэрэгжүүлж ажиллаагүй,   Захиргааны зөрчлийг шалгасан эрх бүхий албан тушаалтны шийдвэрийг материалд хавсаргаж хэвшээгүй зөрчил илэрчээ. Мөн Засгийн газрын 1995 оны 131 дүгээр тогтоолоор баталсан "Захиргааны журмаар эд зүйлийг хураах, улсын орлого болгох,устгах нийтлэг журам”-ын 2.6-д ...зөвлөл нь улсын орлого болгосон, устгасан эд зүйлийн тайлан мэдээг орон нутгийн холбогдох санхүүгийн байгууллагад мэдээлж ажиллана гэсэн заалт, Сангийн сайд, Цагдаагийн ерөнхий газрын даргын 1995 оны 181/252 дугаар тушаалаар баталсан "Захиргааны журмаар эд зүйл хураах, улсын орлого болгох,устгах үйл ажиллагаанд хяналт тавьж, хэрэгжилтийг хагуулах үүрэг бүхий орон тооны бус зөвлөл”-ийн ажиллах журмын 18-д "Зөвлөл нь улирал бүрийн сүүлийн сарын 25-нд холбогдох засаг даргад ажлын явц байдлын талаар танилцуулна гэсэн заалтуудыг тус тус хэрэгжүүлээгүй зэрэг зөрчлүүд илэрсэн тул аймгийн прокурорын газраас  Даланзадгад сумын засаг даргад шаардлага хүргүүлсэн байна.