“ГАМШГИЙН ТАРХАЛТЫН ТАНДАЛТ, НУРАНГААС ЭРЭН ХАЙХ, АВРАХ АЖИЛЛАГАА” СЭДВИЙН ХҮРЭЭНД ХАМТАРСАН СУРГАЛТЫН ЗОХИОН БАЙГУУЛЛАА

Өвөрхангай аймгийн шүүх, прокурор, цагдаагийн байгууллагын ажилтан,  албан хаагчдын дунд 2017 оны 11 дүгээр сарын 21-ний өдөр "Гамшгийн тархалтын тандалт, нурангаас эрэн хайх, аврах ажиллагаа” сэдвийн хүрээнд хамтарсан сургалтыг зохион байгуулав. Сургалтын зорилго нь  гамшгийн аюулаас урьдчилан сэргийлэх, аврах, хор уршгийг арилгах, хойшлуулшгүй сэргээн босгох ажиллагаанд прокурор, албан хаагч нарыг сургаж дадлагажуулахад чиглэгдсэн байна. Сургуулилтаар   Шүүх, Прокурорын газрын план зураг, зам гарцын судалгаа гаргах, аврах ажиллагаанд оролцох аврах хүн хүч, техник хэрэгслийн бэлэн байдлыг хангуулах, Ослын голомтонд үзлэг шалгалт хийж нэрвэгдэгсдийн байрлалыг илрүүлэн аврах ажиллагааг зохион байгуулах, барилгаас  торхон дамнуургаар нэрвэгдэгчийг гаргах, зөөвөрлөх, албан хаагч нэрвэгдэгсдэд эмнэлгийн анхны тусламж үзүүлэх зэрэг хэлбэрүүдээр хийж гүйцэтгэсэн байна. Сургуулилтанд Онцгой байдлын газрын аврах, гал унтраах 12 дугаар ангийн 2-р салаа, эрэн хайх аврах бүлэг, шуурхай албаны авто машин болон гал унтраах АЦ-40 авто машин, шүүх, прокурор, цагдаагийн байгууллагын албан хаагч нар оролцжээ.