ГЭМТ ХЭРГЭЭС УРЬДЧИЛАН СЭРГИЙЛЭХ ЧИГЛЭЛЭЭР 1400 ГАРУЙ АЖИЛТАН, АЛБАН ХААГЧДАД СУРГАЛТ ЗОХИОН БАЙГУУЛЖЭЭ

  1. 2017-11-24
  2. Архив,
  3. 1340 уншсан
  4. 1 минут уншина
A- A A+
ГЭМТ ХЭРГЭЭС УРЬДЧИЛАН СЭРГИЙЛЭХ ЧИГЛЭЛЭЭР 1400 ГАРУЙ АЖИЛТАН, АЛБАН ХААГЧДАД СУРГАЛТ ЗОХИОН БАЙГУУЛЖЭЭ
Булган аймгийн прокурорын газарт "Эрдэнэт, Булганы цахилгаан түгээх сүлжээ” ТӨХК-ийн Булган салбар болон аймгийн Авто тээврийн газраас ирүүлсэн хүсэлтийн дагуу дээрх 2 байгууллагын ажилтан, албан хаагчдад 2017 оны 11 дүгээр сарын 15-наас 16-ны өдрүүдэд сургалт зохион байгуулжээ. Сургалтаар Прокурорын байгууллагын үйл ажиллагаа, прокурорын хяналтын онцлог, аймгийн прокурорын газрын товч танилцуулга, Монгол Улсын Их хурлаас баталсан Эрүүгийн хуулийн шинэчилсэн найруулга, Зөрчлийн тухай хуулиудын талаар аймгийн Прокурорын газрын Ял эдлүүлэх ажиллагаанд хяналт тавих ахлах прокурор, хууль цаазын ахлах зөвлөх Г.Баяраа мэдээлэл хийж, оролцогчдын сонирхсон асуултад хариулт өгсөн байна. 2017 онд аймгийн прокурорын газраас Булган аймгийн бүх сумд, аймгийн төвийн 6 баг, төрийн зарим байгууллагын ажилтан, албан хаагчид зэрэг 1400 гаруй хүнд гэмт хэргээс урьдчилан сэргийлэх, прокурорын байгуулагын үйл ажиллагааг сурталчлах чиглэлээр 41 удаа яриа таниулга хийсэн бөгөөд прокуроруудаас гэмт хэргээс урьдчилан сэргийлэх ажлын чиглэлээр 31 шалгалт, 3 судалгаа хийж, прокурорын мэдэгдэл 55-ыг бичиж, гэмт хэргээс урьдчилан сэргийлэх агуулга бүхий 7 мэдээллийг хэвлэлд өгсөн байна.