УЛСЫН ЕРӨНХИЙ ПРОКУРОРЫН ГАЗРААС ХОВД АЙМГИЙН ПРОКУРОРЫН ГАЗРЫН 3 ЖИЛД ХИЙСЭН АЖЛЫГ ШАЛГАВ

  1. 2017-11-24
  2. Архив,
  3. 1544 уншсан
  4. 1 минут уншина
A- A A+
УЛСЫН ЕРӨНХИЙ ПРОКУРОРЫН ГАЗРААС ХОВД АЙМГИЙН ПРОКУРОРЫН ГАЗРЫН 3 ЖИЛД ХИЙСЭН АЖЛЫГ ШАЛГАВ
 Улсын Ерөнхий Прокурорын газраас Ховд аймгийн прокурорын  газрын ажлыг 2017 оны 11 дүгээр сарын 14-20-ны өдрийн хооронд иж бүрэн шалган туслалаа. Шалгалтын багийн ахлагчаар Улсын Ерөнхий Прокурорын Орлогч, төрийн хууль цаазын шадар зөвлөх Б.Амгаланбаатар, удирдлага, зохион байгуулалт дотоод ажлын чиглэлээр хяналтын прокурор П.Бадамгарав, Зөрчил шалган шийдвэрлэх ажиллагаанд тавих хяналтын ажлын чиглэлээр хяналтын прокурор Г.Оюунбаяр, Хэрэг бүртгэх, мөрдөн байцаах ажиллагаанд тавих хяналтын ажлын чиглэлээр хяналтын прокурор П.Батболд, Шүүхэд төрийг төлөөлөх ажлын чиглэлээр хяналтын прокурор Г.Гэрэлтуяа, Ял эдлүүлэх ажиллагаанд тавих хяналтын ажлын чиглэлээр хяналтын прокурор Т.Мөнхбаяр нарын бүрэлдэхүүнтэй баг 6 хоногийн хугацаанд ажиллав.  Улсын Ерөнхий Прокурорын Орлогч Б.Амгаланбаатар аймгийн удирдлагуудтай болон хууль хяналтын байгууллагуудын дарга нартай уулзаж тус прокурорын газрын алба хаагчид тэдний үйл ажиллагааны талаар асууж тодруулсан байна. Шалгалтыг явуулахдаа 2015, 2016, 2017 онд хийсэн ажлыг үзэж 3 оны дунджаар үнэлэлт дүгнэлт өгч, шалгалтын багийн гишүүд өөр өөрсдийн хариуцсан чиглэлээр прокурор, туслах ажилтнуудад сургалт зохион байгуулжээ.