ДОРНОГОВЬ АЙМГИЙН ПРОКУРОРЫН ГАЗРААС ИХХЭТ, ДЭЛГЭРЭХ, АЛТАНШИРЭЭ СУМЫН ИРГЭДЭД ХУУЛЬ СУРТАЛЧИЛАХ АЖЛЫГ ЗОХИОН БАЙГУУЛЖЭЭ

  1. 2017-12-06
  2. Архив,
  3. 1406 уншсан
  4. 1 минут уншина
A- A A+
ДОРНОГОВЬ АЙМГИЙН ПРОКУРОРЫН ГАЗРААС ИХХЭТ, ДЭЛГЭРЭХ, АЛТАНШИРЭЭ СУМЫН ИРГЭДЭД ХУУЛЬ СУРТАЛЧИЛАХ АЖЛЫГ ЗОХИОН БАЙГУУЛЖЭЭ
Дорноговь аймгийн Гэмт хэргээс урьдчилан сэргийлэх ажлыг зохицуулах салбар зөвлөл, аймгийн прокурорын газар, Цагдаагийн газар, Өмгөөлөгчдийн зөвлөл, Тагнуулын хэлтэс, Онцгой байдлын газар, Мэргэжлийн хяналтын газар, Шүүхийн шийдвэр гүйцэтгэх газар гэх мэт 28 байгууллагын дарга, эрх бүхий албан тушаалтан хамтарсан ажлын хэсэг тус аймгийн Иххэт, Дэлгэрэх, Алтанширээ сумдад  ажиллаж сумдын Гэмт хэргээс урьдчилан сэргийлэх салбар зөвлөлийн гэмт хэргээс урьдчилан сэргийлэх, иргэдэд хууль тогтоомж сурталчлах тайлбарлан таниулах талаар хийж байгаа ажилтай танилцсан байна. Дорноговь аймгийн прокурорын газрын Шүүхэд төрийг төлөөлөх ажил хариуцсан ахлах прокурор, хууль цаазын ахлах зөвлөх Ж.Айжуу нь Иххэт, Дэлгэрэх, Алтанширээ сумдын төрийн албан хаагч 80 ажилтанд Улсын Их хурлаас батлан гаргаж мөрдөж байгаа Зөрчлийн тухай хууль, Зөрчил шалган шийдвэрлэх тухай хууль, Эрүүгийн хууль, Эрүүгийн хэрэг хянан шийдвэрлэх хууль, Монгол Улсын Прокурорын тухай  хуулиудын хэрэгжилтийн байдал цаашид анхаарах асуудал болон прокурорын байгууллагаас хийж байгаа ажлын талаар товч мэдээлэл хийж прокурорын байгууллагын үйл ажиллагааг сурталчилсан байна. Мөн Иххэт, Дэлгэрэх, Алтанширээ сумдын иргэдтэй уулзалт, ярилцлага зохион байгуулж Аймгийн прокурорын газраас 2017 оны 10 дугаар сарын байдлаар хийж байгаа ажлын талаар, аймгийн эрүүгийн нөхцөл байдал, гэмт хэргийн гаралтын шалтгаан нөхцөл, цаашид авч хэрэгжүүлж байгаа ажил арга хэмжээний талаар танилцуулж, иргэдийн сонирхсон асуултанд хариулт өгчээ. Мөн арга хэмжээнд оролцсон иргэд, аж ахуйн нэгж байгууллагын албан тушаалтнуудад гэмт хэргээс урьдчилан сэргийлэх хууль тогтоомжийн асуудлаар боловсруулсан хуулийн сурталчилгааны материал, сэрэмжүүлэг, зурагт хуудас зэрэг гарын авлага материал тарааж ажилласнаас гадна, прокурорын байгууллага болон аймгийн прокурорын газраас хийж хэрэгжүүлж байгаа ажлаа орон нутгийн телевизээр сурталчилсан байна.