“ПРОКУРОР-2017”, “ТУСЛАХ АЖИЛТАН-2017” МЭРГЭЖЛИЙН УРАЛДААНЫ 2 ДУГААР ШАТНЫ ШАЛГАРУУЛАЛТ 2 ДАХЬ ӨДРӨӨ ҮРГЭЛЖИЛЖ БАЙНА

  1. 2017-12-07
  2. Архив,
  3. 3333 уншсан
  4. 1 минут уншина
A- A A+
“ПРОКУРОР-2017”, “ТУСЛАХ АЖИЛТАН-2017” МЭРГЭЖЛИЙН УРАЛДААНЫ 2 ДУГААР ШАТНЫ ШАЛГАРУУЛАЛТ 2 ДАХЬ ӨДРӨӨ ҮРГЭЛЖИЛЖ БАЙНА

"Прокурор -2017”, "Туслах ажилтан-2017” мэргэжлийн уралдааны 2 дугаар шатны шалгаруулалт 2 дахь өдрөө үргэлжлэн явагдаж байна. Хоёрдугаар шатанд шалгарсан 31 прокурор, 32 туслах ажилтнууд өчигдөр эхний өдрийн шалгаруулалтандаа амжилттай оролцсон. Тодруулж хэлбэл, өчигдөр "Прокурор -2017” мэргэжлийн уралдаанд өрсөлдөж байгаа прокурорууд өгөгдсөн сэдвийн хүрээнд эссэ бичих, 100 асуулттай эрх зүйн мэдлэгийн сонжуурыг зөв бөглөх, Компьютерын хэрэглээний программ, цахим бүртгэл ашиглах чадвараа шалгуулах зэрэг шалгаруулалтад хамрагдсан. Харин "Туслах ажилтан 2017” мэргэжлийн уралдаанд оролцож байгаа туслах ажилтнууд өчигдөр 150 асуулттай Эрх зүйн мэдлэгийн сонжуурыг зөв бөглөх, Сэтгэн бодох чадварын шалгалт өгөх, Прокурорын эрх зүйн хэлбэрээс алдаа, зөрчил олж, хууль зүйн дүгнэлт хийх зэрэг шалгаруулалтад хамрагдаад байгаа юм. Харин өнөөдөр "Прокурор-2017” мэргэжлийн уралдаанд оролцож байгаа прокурорууд Улсын Ерөнхий прокурорын газрын Хурлын танхимд Гэмт хэргийн зүйлчлэл, Эрүүгийн хэрэг хянан шийдвэрлэх, Зөрчил шалган шийдвэрлэх, Ял эдлүүлэх ажиллагаанд хяналт тавих ажилтай холбоотой бодлого бодох, Шийдвэрт хууль зүйн дүгнэлт хийх, Прокурорын эрх зүйн хэлбэрийн төсөл боловсруулах шалгаруулалтад хамрагдана. "Туслах ажилтан 2017” мэргэжлийн уралдаанд оролцож байгаа туслах ажилтнууд Нийслэлийн прокурорын газрын хурлын танхимд өнөөдөр эссэ бичиж, илтгэх ур чадвараа харуулж илтгэл тавих, компьютерын хэрэглээний программ, цахим бүртгэлийн талаарх мэдлэгээ шалгуулж, өрсөлдөж байна.