ПРОКУРОРУУДЫН ХАМТАРСАН ЗӨВЛӨГӨӨНИЙГ ЗОХИОН БАЙГУУЛЛАА

  1. 2017-12-14
  2. Архив,
  3. 1154 уншсан
  4. 1 минут уншина
A- A A+
ПРОКУРОРУУДЫН ХАМТАРСАН ЗӨВЛӨГӨӨНИЙГ ЗОХИОН БАЙГУУЛЛАА

Нийслэлийн прокурорын газраас 2017 оны 12 дугаар сарын 12-ны өдөр Нийслэл, дүүргийн прокурорын газруудын Хэрэг бүртгэх, мөрдөн байцаах ажиллагаанд хяналт тавих болон Шүүхэд төрийг төлөөлөх хяналтын ажлын чиглэлээр прокуроруудын хамтарсан зөвлөгөөнийг зохион байгууллаа. Уг зөвлөгөөнд Нийслэл, дүүргийн прокурорын газруудын Ерөнхий прокурор, тэдгээрийн орлогч, Хэрэг бүртгэх, мөрдөн байцаах ажиллагаанд хяналт тавих, Шүүхэд төрийг төлөөлөх ахлах прокурорууд болон Нийслэлийн прокурорын газрын Хэрэг бүртгэх, мөрдөх байцаах ажиллагаанд хяналт тавих II дугаар хэлтсийн прокурорууд оролцжээ. Хамтарсан зөвлөгөөн дээр Нийслэлийн прокурорын газрын ахлах прокурор, ХБМБАХТ I дүгээр хэлтсийн дарга Ж.Сандагсүрэн, мөн Шүүхэд төрийг төлөөлөх ахлах прокурор Ж.Чимгээ нар Нийслэл, дүүргийн хэмжээнд хийж гүйцэтгэсэн ажлын гол үзүүлэлтүүд, доголдож буй ажлуудыг цаашид сайжруулах чиглэлээр анхаарах асуудлуудаар товч мэдээлэл хийсэн ба нэгжийн удирдлагуудаас эрүүгийн хэрэг хянан шийдвэрлэх ажиллагааны явцад, ялангуяа шүүхэд төрийг төлөөлөх ажлын чиглэлээр практикт тулгарч байгаа хүндрэл бэрхшээл, тулгамдаж буй асуудлуудын талаар тодорхой саналуудыг гаргасныг дээд шатны прокурорт уламжлахаар шийдвэрлэсэн байна. Нийслэлийн ерөнхий прокурорын орлогчоос дүүргийн прокурорын газруудад хандаж оны эцсийн мэдээ тайлан гаргахтай холбогдуулан анхаарах асуудлууд болон тус прокурорын газраас нэгжүүдэд өгөгдсөн хугацаатай үүрэг, даалгавруудын талаар болон анхаарах асуудлаар тодорхой үүрэг даалгавруудыг өгсөнөөр зөвлөгөөн амжилттай өнөдөрлөжээ.