ГЭМТ ХЭРГЭЭС УРЬДЧИЛАН СЭРГИЙЛЭХ АЖИЛД ИДЭВХИ САНААЧЛАГАТАЙ ОРОЛЦСОН АЛБА ХААГЧ НАРЫГ ШАГНАЖ УРАМШУУЛЖЭЭ

  1. 2017-12-26
  2. Архив,
  3. 1918 уншсан
  4. 1 минут уншина
A- A A+
ГЭМТ ХЭРГЭЭС УРЬДЧИЛАН СЭРГИЙЛЭХ АЖИЛД ИДЭВХИ САНААЧЛАГАТАЙ ОРОЛЦСОН АЛБА ХААГЧ НАРЫГ ШАГНАЖ УРАМШУУЛЖЭЭ
Дорнод аймгийн Гэмт хэргээс урьдчилан сэргийлэх ажлыг зохицуулах зөвлөлийн 2017 оны төлөвлөгөө, аймгийн прокурорын газрын 4 дүгээр улирлын төлөвлөгөөний дагуу Аймгийн ерөнхий прокурор Т.Ууганбаатараар ахлуулсан орон нутгийн хууль хяналтын 6 байгууллагын удирдлага, 23 албан хаагч, Хилийн цэргийн 0132 дугаар ангийн "Хэрлэн” хамтлагийн бүрэлдэхүүнтэй ажлын хэсэг 2017 оны 11 дүгээр сарын 07-ны өдрөөс 2017 оны 11 дүгээр 17-ны өдрүүдэд тус аймгийн Цагаан-Овоо, Баян-Уул, Сэргэлэн, Гурванзагал, Дашбалбар, Чулуунхороот, Чойбалсан, 2017 оны 12 дугаар сарын 19-21-ний өдрүүдэд Матад, Халхгол сумдад болон Хилийн цэргийн 0198, 0306 дугаар ангиудад биечлэн очиж гэмт хэргээс урьдчилан сэргийлэх ажлыг зохион байгуулж ажиллажээ. Энэхүү гэмт хэргээс урьдчилан сэргийлэх ажлыг нэгдсэн бүрэлдэхүүнтэй зохион байгуулах ажил 3 дахь жилдээ уламжлал болон хийгдэж байгаа бөгөөд энэ жилийн хувьд ажлын хэсгийн гишүүд сумдад ажиллахдаа байгууллагынхаа хийсэн ажлыг сурталчилж таниулахаас гадна аймгийн ерөнхий прокуророос сумдын иргэд эрх бүхий албан тушаалтнуудад шинээр батлагдсан хууль тогтоомжуудын үзэл баримтлал, хуулинд шинээр тусгалаа олсон хүүхдийн эсрэг, гэр бүлийн хүчирхийлэлийн эсрэг, мал хулгайлах, байгаль орчны эсрэг гэмт хэрэг, зөрчлийн талаар мэдээлэл, танилцуулгыг хийсэн байна. Мөн хяналтын прокуроруудаас сумын гэмт хэргээс урьдчилан сэргийлэх ажлыг зохицуулах салбар зөвлөлийн ажлыг газар дээр нь шалгаж, зааварчлага өгөх, хөдөө орон нутагт ажиллаж буй эрх бүхий албан тушаалтнуудад зөрчил, зөрчил шалган шийдвэрлэх тухай хуулийг хэрхэн ойлгож нэг мөр хэрэгжүүлэх, дээд шатны байгууллагуудаас батлан гаргасан тушаал, журам, эрх зүйн хэлбэрийн загваруудыг зөв бичиж хэрэглэх талаар тусгайлан сургалт оржээ. Дээрх байдлаар гэмт хэргээс урьдчилан сэргийлэх чиглэлээр сум орон нутагт биечлэн очиж зохион байгуулсан ажлын үр дүнг Аймгийн ГХУСАЗ Зөвлөлөөс тусгайлан авч хэлэлцээд зохион байгуулсан ажлыг үр дүнтэй болсон байна гэж дүгнээд энэхүү ажилд идэвхи санаачлагатай оролцож ажилласан зарим байгууллагын нэр бүхий 14 албан хаагчийг шагнан урамшуулахаар шийдвэрлэсэн байна. Энэ дагуу Дорнод аймгийн ИТХ-ын дарга Л.Хишигтогтох, ажлын хэсгийн ахлагч аймгийн Ерөнхий прокурор Т.Ууганбаатар, ГХУСАЗ Зөвлөлийн нарийн бичгийн дарга буюу Цагдаагийн газрын дарга Л.Ариунбат нар тухайн алба хаагч нарыг хүлээн авч, хүндэтгэл үзүүлэн шагнал, урамшууллыг гардуулан өгсөн байна.