УВС АЙМГИЙН ШҮҮХ, ПРОКУРОР БОЛОН ХУУЛЬ САХИУЛАХ БАЙГУУЛЛАГУУДЫН НЭГДСЭН ЗӨВЛӨГӨӨН БОЛЛОО

  1. 2017-12-26
  2. Архив,
  3. 1209 уншсан
  4. 1 минут уншина
A- A A+
УВС АЙМГИЙН ШҮҮХ, ПРОКУРОР БОЛОН ХУУЛЬ САХИУЛАХ БАЙГУУЛЛАГУУДЫН НЭГДСЭН ЗӨВЛӨГӨӨН БОЛЛОО
Увс аймгийн прокурорын газраас Шүүх, Прокурор болон хууль сахиулах байгууллагуудын нэгдсэн зөвлөгөөнийг тус аймгийн Засаг даргын тамгын газрын хурлын зааланд зохион байгуулжээ.   Хамтарсан зөвлөгөөнийг аймгийн Ерөнхий прокурор Г.Эрдэнэбаяр удирдан явуулсан бөгөөд зөвлөгөөнд Аймгийн иргэдийн төлөөлөгчдийн хурлын дарга Ц.Насанбат, Увс аймаг дахь сум дундын эрүү, иргэний хэргийн анхан шатны шүүх, захиргааны хэргийн анхан шатны шүүх болон Эрүү, иргэний хэргийн давж заалдах шатны ерөнхий шүүгч, шүүгч нар, аймгийн Прокурорын орлогч, хяналтын прокурорууд, Аймгийн хууль зүйн хэлтсийн дарга, мэргэжилтэн, Цагдаагийн газрын дарга, дэд дарга, хэрэг бүртгэх мөрдөн байцаах тасгийн дарга, хэрэг бүртгэгч, мөрдөгч, Тагнуулын газрын дарга, мөрдөгч, Хилийн цэргийн ангийн удирдах албан тушаалтан, Шүүхийн шийдвэр гүйцэтгэх албаны дарга, шийдвэр гүйцэтгэгч, Зөрчил шалган шийдвэрлэх эрх бүхий байгууллага, албан тушаалтнууд, өмгөөлөгч нар тус тус оролцсон байна. Тус зөвлөгөөнөөр 2017 оны 07 дугаар сарын 01-ний өдрөөс хэрэгжиж эхэлсэн Зөрчлийн тухай хууль, Зөрчил шалган шийдвэрлэх тухай хууль, Эрүүгийн хууль, Эрүүгийн хэрэг хянан шийдвэрлэх тухай хуулийг нэг мөр ойлгож хэрэгжүүлэх, хэрэг бүртгэлт, мөрдөн байцаалтанд гарч буй зөрчил дутагдал, шүүн таслах ажиллагааны явцад гарч буй хүндрэл бэрхшээл, цаашид анхаарах асуудлын талаар хамтран ярилцаж, хууль хэрэглээний тал дээр нэгдсэн нэг ойлголтонд хүрсэн байна.