БАЯНЗҮРХ ДҮҮРГИЙН ПРОКУРОРЫН ГАЗАР ДОТООДДОО СУРГАЛТ ЗОХИОН БАЙГУУЛАВ

  1. 2018-01-24
  2. Архив,
  3. 4169 уншсан
  4. 1 минут уншина
A- A A+
БАЯНЗҮРХ ДҮҮРГИЙН ПРОКУРОРЫН ГАЗАР ДОТООДДОО СУРГАЛТ ЗОХИОН БАЙГУУЛАВ
Баянзүрх дүүргийн прокурорын газраас гүйцэтгэх ажиллагаа, мөрдөн шалгах нууц ажиллагааны онцлог, төрөл зохицуулалтын талаар Улсын Ерөнхий прокурорын газрын гүйцэтгэх ажил хариуцсан хяналтын прокурор М.Бамбадоржийг урьж сургалт зохион байгуулжээ. Сургалтаар 2017 оны 07 дугаар сарын 01-ний өдрөөс хэрэгжиж эхэлсэн "Эрүүгийн хэрэг хянан шийдвэрлэх тухай хууль”-нд мөрдөн шалгах нууц ажиллагааг хэрхэн хуульчилсан болох, цаашид анхаарах асуудлын талаар тодорхой ойлголт өгч практикт хэрхэн хэрэглэж байгаа талаар харилцан ярилцсан үр дүнтэй сургалт болсон байна.


                                                 БАЯНЗҮРХ ДҮҮРГИЙН ПРОКУРОРЫН ГАЗРЫН МЭДЭЭЛЭЛ 2

Баянзүрх дүүргийн прокурорын газрын Зөрчил шалган шийдвэрлэх ажиллагаанд тавих хяналт хариуцсан прокуроруудаас дүүргийн Цагдаагийн 1, 2, 3 дугаар хэлтсийн зөрчил шалган шийдвэрлэх эрх бүхий албан тушаалтнуудад зөрчлийг хялбаршуулсан журмаар шалган шийдвэрлэх ажиллагаа хууль тогтоомжид хэрхэн нийцэж байгааг шалгасан шалгалтын дүнгийн талаар болон шалгалтаар илэрсэн зөрчил, цаашид шийтгэл оногдуулахдаа хуулийг зөв хэрэглэх, шийтгэлийн хуудсыг хуульд заасан шаардлагын дагуу үйлдэх, хэрэг бүртгэлтийн ажиллагаанд ЗШШ тухай хуулийн заалтыг баримталж ажиллахыг анхааруулж, шинээр батлагдан гарсан "Зөрчил шалган шийдвэрлэх ажиллагаанд тавих прокурорын хяналтын ажлын аргачилсан заавар”-ыг танилцуулж, сургалт зохион байгуулсан байна.

 

                                        БАЯНЗҮРХ ДҮҮРГИЙН ПРОКУРОРЫН ГАЗРЫН МЭДЭЭЛЭЛ 3

Баянзүрх дүүргийн прокурорын газрын Зөрчил шалган шийдвэрлэх ажиллагаанд тавих хяналт хариуцсан прокуроруудаас 2018 оны 01 дүгээр сарын 10-ны өдөр  Батлан хамгаалахын их сургуулийн Сонсогчийн батальоны 2 дугаар ротын 150 сонсогч, сурагчдад   Прокурорын байгууллагын тухай хууль , шинээр батлагдан хэрэгжиж байгаа Зөрчлийн тухай хуулийн талаар сургалт зохион байгуулж Прокурорын байгууллагын үйл ажиллагаа, бүтэц, хийж гүйцэтгэдэг ажлын чиг үүргийн талаар танилцуулж яриа таниулга хийсэн байна. Прокуроруудаассургалтад оролцсон сонсогч, сурагчид сонирхсон зүйлээ асууж, хууль эрх зүйн мэдлэгээ дээшлүүлэн, идэвхитэй оролцжээ.