ПРОКУРОРЫН БАЙГУУЛЛАГЫН УДИРДАХ АЖИЛТНЫ СУРГАЛТ, ЗӨВЛӨГӨӨН ҮРГЭЛЖИЛЖ БАЙНА

  1. 2018-02-01
  2. Архив,
  3. 1683 уншсан
  4. 1 минут уншина
A- A A+
ПРОКУРОРЫН БАЙГУУЛЛАГЫН УДИРДАХ АЖИЛТНЫ СУРГАЛТ, ЗӨВЛӨГӨӨН ҮРГЭЛЖИЛЖ БАЙНА

Прокурорын байгууллагын удирдахажилтны сургалт, зөвлөгөөн Улаанбаатар хотноо хоёр  дахь өдрөө үргэлжилж байна. Үдээс өмнө сургалт зөвлөгөөнд оролцогчдод Удирдлагын академийн багш С.Жаргалсайхан  "Удирдагч хүний маркетинг", доктор, дэд профессор С.Цолмонтуяа "Удирдлагын үйл явц дахь ёс зүй", доктор М.Амартүвшин "Гомдлын менежмент", доктор, дэд профессор С.Энхсайхан "Төрийн байгууллагын бүтээмжийн удирдлага" сэдвүүдээр танхимийн сургалт хийлээ. Сургалт зөвлөгөөн үдээс хойш Улсын Ерөнхий прокурорын газрын хурлын танхимд үргэлжилж, Цагдаагийн Ерөнхий газар, Шүүхийн шийдвэр гүйцэтгэх Ерөнхий газар, Авлигатай тэмцэх газар, Шүүхийн шинжилгээний үндэсний хүрээлэн, Мэргэжлийн хяналтын Ерөнхий газрын удирдлагууд мэдээлэл хийж , хууль хэрэглээний явцад гарч буй хүндрэл бэрхшээл, цаашид анхаарах асуудлын талаар харилцан санал солилцов. Мөн Сангийн Яамны  Төрийн сангийн газрын Санхүүгийн тайлан, бүртгэлийн хэлтсийн дарга н.Батхуяг, Төсвийн зарлагын хэлтсийн дарга н.Хуягцогт нар  "Төсвийн сахилга бат" сэдвээр зөвлөгөө өгч, байгууллагын төсөв, санхүүгийн талаарх удирдах ажилтнуудын санал хүсэлтийг сонсож, харилцан ярилцлаа. Сургалт, Зөвлөгөөний өнөөдрийн үйл ажиллагаа прокурорын байгууллагын "Ахмадын холбоо"-ны төлөөлөл болох ахмад прокурор Г.Бадамханд, Т.Сүхбаатар нартай уулзаж, ахмадуудынхаа зөвлөгөө, санал, хүсэлтийг сонсож, харилцан ярилцсанаар өндөрлөлөө.