Монголын Прокуроруудын холбооноос “Прокурорын нийгмийн баталгааг хангах хөтөлбөр”-ийн хүрээнд БНХАУ-ын Өвөрмонголын өөртөө засах орны Манжуур хотод 5 өдөр, 6 шөнийн аялалыг зохион байгуулав. Аялалын бүрэлдэхүүнд Улс, Аймаг, Нийслэл, Тээвэр, Дүүрэг, Сум дундын прокурорын газрууд болон Монголын прокурорын байгууллагын Ахмадын холбооны төлөөлөл оролцсон 29 нэгж газрын 41 прокурор, ажилтан нар хамрагдлаа.
Аялалын багийнханыг Хэнтий, Дорнод аймгийн прокурорын газрууд хүлээн авч аймаг болон байгууллагынхаа үйл ажиллагаатай танилцуулсан байна. Дорнод аймгийн прокурорын газрын хамт олонтой Монголын Прокуроруудын холбооны үйл ажиллагааг сурталчлах арга хэмжээ зохион байгуулж, шалгарсан хүмүүст Монголын Прокуроруудын холбооны дурсгалын зүйл гардуулжээ.
Манжуур хотын түүх, соёлын дурсгалт газруудаар аялан, Өвөрмонголын өөрөө засах орны Алтан Эмээл хошуу, Манжуур хот, Хөлөнбуйр аймгийн прокурорын газруудын удирдлагууд хүлээн авч, байгууллагын үйл ажиллагаатай танилцуулж, оройн зоог барих ажлуудыг зохион байгуулжээ.
Монголын Прокуроруудын холбоо болон аялалд оролцсон ахмадууд, прокурор, ажилтан нарын зүгээс аялалыг зохион байгуулахад гүн туслалцаа үзүүлсэн Дорнод, Хэнтий аймгийн прокурорын газрын хамт олон гүн талархал илэрхийлж байна.
Улсын Ерөнхий Прокурорын Газрын Олон нийттэй харилцах алба
