Баянзүрх дүүргийн прокурорын газар 2019 оны эхний хагас жилд хийж гүйцэтгэсэн ажлын тайлангийн хурлаа 7 дугаар сарын 10-ны өдөр хийж, ажлаа дүгнэн хэлэлцжээ.
Хурлын үеэр дээрх хугацаанд бусдыгаа манлайлан ажилласан ахлах прокурор У.Солонго, туслах ажилтан Л.Төгсжаргал, слесарь П.Ганбат нарыг дүүргийн ерөнхий прокурорын өргөмжлөл, мөнгөн шагналаар шагнасан байна.
Мөн дүүргийн прокурорын газраас эрүүгийн хэргийн эцэслэн шийдвэрлэлтийг нэмэгдүүлэх, прокурорын эрх зүйн баримт бичиг боловсруулах чадварыг сайжруулах, шүүх хуралдаанд мэтгэлцэх ур чадварыг дээшлүүлэх зорилгоор 2019 оны 3 дугаар сарын 15-наас 6 дугаар сарын 15-ны өдрийн хооронд зохион байгуулсан “Шилдэг улсын яллагч” уралдаанд хамгийн олон хэрэг шийдвэрлэн, идэвхи, санаачлагатай ажиллаж "Шилдэг улсын яллагч”-аар шалгарсан хяналтын прокурор Г.Цэрэнжамц, Ц.Гантулгабат нарын шагналыг гардуулжээ.
БАЯНЗҮРХ ДҮҮРГИЙН ПРОКУРОРЫН ГАЗАР
Улсын Ерөнхий Прокурорын Газрын Олон нийттэй харилцах алба
