Улаанбаатар хотод 2019 оны 9 дүгээр сарын 10-наас 12-ны өдрүүдэд зохион байгуулагдсан 21 аймаг, Нийслэлийн 9 дүүргийн 230 гаруй тамирчид оролцсон “Монголын хүүхдийн спортын VI дугаар наадам”-ын ширээний теннисний тэмцээнд Говьсүмбэр аймгийн прокурорын газрын ажилтан, спортын дэд мастер Д.Ганбаатарын дасгалжуулсан “Сансар хайрхан” клубын баг тамирчид амжилттай оролцжээ.
Түүний дасгалжуулсан тамирчид ганцаарчилсан төрөлд алт, хүрэл медаль, холимог хосын төрөлд мөнгөн медаль, багийн төрөлд 4 дүгээр байр, нийлбэр дүнгээр улсад 2 дугаар байр эзэлж, тэрээр Монголын ширээний теннисний холбооны “Шилдэг дасгалжуулагч” болсон байна.
Д.Ганбаатар нь Говьсүмбэр аймгийн прокурорын газарт 5 дахь жилдээ ажиллаж байгаа бөгөөд эхнэр Б.Өсөхжаргалын хамт үүсгэн байгуулсан “Сансар хайрхан” ширээний теннисний клуб нь 10 дахь жилдээ 300 гаруй өсвөрийн тамирчдыг бэлтгэн гаргаснаас 1 дүгээр зэргийн тамирчин хоёр, 2 дугаар зэргийн тамирчин арванхоёр, 3 дугаар зэргийн тамирчин хорь гаруй төрөн гарчээ.
Улсын Ерөнхий Прокурорын Газрын Олон нийттэй харилцах алба
