Улсын Ерөнхий прокурорын газар, АНУ-ын Баарын холбооны "Эрх зүйт ёс санаачилга" байгууллага хамтран зохион байгуулсан "Ял тохиролцох онол, эрх зүйн зохицуулалт болон хялбаршуулсан журмаар хэрэг хянан шийдвэрлэх ажиллагаа" сэдэвт сургалт есдүгээр сарын 24-нөөс 27-ны өдрүүдэд амжилттай болж өндөрлөлөө. 

Сургалтын хаалтын үйл ажиллагаанд АНУ-аас Монгол Улсад суугаа онц бөгөөд бүрэн эрхт Элчин сайд Майкл Клечески, Улсын Ерөнхий прокурор Б.Жаргалсайхан нар оролцож, сургалтанд хамрагдсан прокуроруудад сертификат гардуулан өгч, амжилт хүссэн юм.

Элчин сайд Майкл Клечески, Улсын Ерөнхий прокурор Б.Жаргалсайхан нар сургалтын агуулга, үр дүнг өндрөөр үнэлж, цаашид уг хөтөлбөрийг үргэлжлүүлэн явуулах сонирхолтой байгаагаа харилцан илэрхийллээ. 

                                                                                                                   УЛСЫН ЕРӨНХИЙ ПРОКУРОРЫН ГАЗАР