Прокурорын байгууллагын нийт ажилтан, албан хаагчдыг эрүүл идэвхитэй амьдралд уриалах, биеийн тамир спортоор хичээллүүлэх зорилготой “Спортын бага наадам- 2019” аравдугаар сарын 02-ны өдрөөс эхэллээ.
Аймгийн прокурорын газрууд 5 бүсэд хуваагдан өрсөлдөж байгаа бол Улаанбаатарын бүсэд Улс, Нийслэл, Тээвэр, дүүргийн прокурорын газрын баг тамирчид шатар, даам, снукер биллъярд, ширээний теннис, гар бөмбөг, сагсан бөмбөг, дартс, боулинг гэсэн спортын 8 төрлөөр өрсөлдөнө.
Улаанбаатарын бүсийн тэмцээн дартс болон биллъярдын төрлөөр эхэлсэн ба өнөөдөр Спортын төв ордонд гар бөмбөгийн төрлөөр үргэлжилж байна.
Маргааш буюу 10 дугаар сарын 04-нд боулинг, шатар, даам, ширээний теннисний тэмцээн болох бол 10 дугаар сарын 05-ны өдөр сагсан бөмбөгөөр өрсөлдөж, Улаанбаатарын бүсийн шилдэгүүдээ тодруулна. Шалгарсан баг тамирчид 2020 онд зохион байгуулагдах Спортын Их наадамд оролцох юм.
Тэмцээний үйл явдалаас
Улсын Ерөнхий Прокурорын Газрын Олон нийттэй харилцах алба
